shayeron ne rangeen lafzon ka sahara lekar
hum ko dikhaye hain kitne haseen khwaab
zulfon mein ulajhne ki muhallat hi kahan hai
hum hain aur zeest key be-shumar azaab
yehan nigahein milane ka hosh kisey hai
jism ki aur bhi zaruratein hain janaab
roz ek naye sawal se milati hai zindagi
kya ishq ke pas hai inka koi jawaab
"chaand" ishq vishq fursat ke tajrube hain
Allah ke karam se yehan ghum hain be-hisaab
No comments:
Post a Comment