Search This Blog

Monday, November 17, 2008

Saaybaan


phir ek intizar dil ko thamaaya gaya
phir ummid ke safar per bulaaya gaya

arzu chahtoun ka matam sab ho chuka
phir mosam-e-nau se dil milaya gaya

zeest ka unwaan tune mohabbat likha
mere baab ko be-unwaan kyon sajaya gaya

ilzaam saare zameer ne apne sar liye
ek zarb-e-aakhiri dil deewana banaya gaya

gulshan ko veeraane ki sangat jub mili
tab kahin rishta bahaar se nibhaya gaya

but-kade se nikal kar ibadat aai samjh
khuda sanam ki rahbari may milaya gaya

khamosh behti nadi kab se hai humsafar
iztarab raah-e-intizaar ka yon bhulaya gaya

koi aahat, samaa-aton ko mili hi nahi
carvan-e-ishq ka nishaan buth bataya gaya

mohabbat ke israar jub afshaa hone lage
mehbub tha jo,mehbub per utaya gaya

lamhe-bhar na muhallat mili bas lut gaya
hairaan dil begana mehafil may paaya gaya

jaan balab hasraton ko samete hai khada
jalte dilon ka habeeb sehra bataya gaya

ku-e-yaar tak safar ka hausla kaise mile

her mod per dil jalaya gaya

ek koshish hai zindgi,karenge umr-bhar
rahbar ka nishaan Chaand banaya gaya

No comments:

Post a Comment