Ye khamoshi gar baaten karti
shikwe saarey jhutey lagtey
sach agar kehne pe aatey
khud ko us ka aks hi paate
aaj bhi vo gunj hai meri
ye baat usey kaise bataatey
be-hisi ki ek chahdar odhey
phir mujhey samjhane aatey
Baaton wadon ki zanjeeron may
tilsim ko qaid na kar paatey
saara samaa tha ek haqeeqat
ek apne hi they ferzi naatey
sar se jub bhi sarki chadar
gidhon ko dekha hai mandlatey
andheron ki aadi hain ankhen
ujalon se ankh kaise milaatey
aakhir naam kitne badlega vo
ek naam hum le nahi paatey
kabhi haqeeqat kabhi fasana
hum us ko likh nahi paatey
pucha hai jub bhi us say
aakhir sach kyon nahi batlatey
uski khamoshi yehi kehti hai
jaante ho samjh nahi paatey
ek katehra hai ye jeevan
mulzim roz hain aate jaatey
No comments:
Post a Comment