Aaj mai nay phir kuch likha hai
is tarha khud ko zinda rakha hai
tera khayaal hai ke mashaal hai
her raah ko taa-binda rakha hai
koi be-basi dil kisi ka na tod de
isi soch nay sherminda rakha hai
sada-e-haq chahati hai ek zubaan
usne apna gawah banda rakha hai
chun chun kar sab ghum usne likhe
us per khataon ka pulanda rakha hai
faryaad kar rahi hai faqat teri yaad
kya isi liye mujh ko zinda rakha hai
No comments:
Post a Comment