jub bhi mai ne khuda ku yaad kiya
jaane dil ne kyon tujh ko yaad kiya
jub Quraan raha mere haathon may
teri khushbu ne mujh ko shaad kiya
koi talab uthi jub haq ki seene may
tere zaahir ne baatin ko abaad kiya
tere qurb ke taalib kitne nadaan they
her pal khud say ek naya jahaad kiya
ek bunnd ishq ki tujh say jin ko mili
kisi ko shireen, kisi ko farhaad kiya
tu ne kashaf ko yon mehjoob rakha
kabhi khud ko bulbul kabhi sayaad kiya
No comments:
Post a Comment