vo mosam jo kabhi mujh pe khila karta tha
ab mere dost vo kahin aur mila karta hai
nikla karti thi jugnuvon ki baaraath jahan
ab door door tak koi na chala karta hai
jahan dhoop chaun aankh micholi karte they
ab wahaan koi khamosh gila karta hai
her pal baat husn ki hua karti thi jahan
ab taqaza waqt ka her waqt mila karta hai
shikayet rehti thi jisey shab-e-mokhtasar say
ab perwana apni aag hi may jala karta hai
jo khwab dekhe they shajar ke saayon ne
ab derd us ka yaad kon bhala karta hai
poocho in bikhre huye puzhmurda patton say
ab koi ummid ka mosam jigar chila karta hai
jub say mosamon ne samjhaii haqeeqat apni
ab na koi hasrath na koi ghum pala karta hai
No comments:
Post a Comment