koi benaam si uljhan hai
koi ansuni si hai bechaini
jahan bichda tha dil apna
bichad gaii thi zindgi apni
koi palkon pe tehra hai
koi paniyon may utra hai
kehne ko ujala sawera hai
ujalon may bhi andhera hai
bahanon say dil ye tuta hai
fasanon ka saath chuta hai
haqeeqat ne humko luta hai
khamoshi bas ek mukhota hai
kinaare sada apni jagah per hain
maujen khush apni fatah per hain
aur gardab bhi apni jafa per hain
bas doobne waaale sitah per hain
No comments:
Post a Comment