Search This Blog

Saturday, January 24, 2015

zindagi kyon khafa hai tu.....................




zindagi tu kyon khafa hai
bataa meri kya khata hai 
mili hai kisi aur ki ban kar
bata tu ab ke kya saza hai

haq tou israar ka zaahir hai
justaju may phir kya maza hai
ghum-e-hijr aas ka hai pehlu
bata tera ab kya muddua hai

khayal aakhir khayal hi tehre
aakhir in  say kya chupa  hai
nesti ka gawah hai tera wajud 
admi  kya mitti  ke  siwa  hai

ye daau pech ye jurm saaziyaan
aakhir is daam may kya rakha hai
zubaan ka maqsad jigar-saazi kyon
aye nadan ye tujhe kya hua hai

sarsarati khamoshi se poocha hai 
waqt ke perde may kya chupa hai
arsh aur farsh ka darmyan ghadi koi
kehti hai maangle teri kya dua hai

Wednesday, January 7, 2015

ek nhanni manaadi................





maine abhi thama tha qalam
maine uthaya tha ek qadam
maine jana hi nahi kya hai sitam
maine abhi dekhe hi na they ghum
maine abhi paaye they na zakham
maine khaii thi khud se ek qasam
kabhi bazar apna na sajaungi mai
meri hasrathon ki boli na lagaungi mai
mera moqadar mere sarkar ki paa-e-khaak
wahi raah-e-mehbub jaanan apnaungi mai
meri fatah hogi dilon ki tashkeeri
meri zubaan hogi mulukgeeri
meri bihisht teri nishst may paaungi mai
mai na jaanti thi duniya kya hai
yehan soch ki manzil ka taqaza kya hai
haayel waqt ka her dar giraungi mai
log mita kar mit jaate hain
farq dilon ka mitaungi mai
meri yaas ko meri kamzori na jaan
wahin mili thi mujhe meri jaa-e-amaan
wahin baab-e-awal se mulaqat hui
us ka unwan khud ko banaungi mai
meri pukar may rang usi ke they
her rang may mai uski hi thi
jaisi bhi hun uski khelaungi mai

Saturday, January 3, 2015

zindagi ki ote se.......








Vo kehta raha
Mai sunti rahi
Is taane baane se
Khayaal bunti rahi
Zindagi ki ote se
Khwab chunti rahi
Talkhiyon ke tezab se
Koii maye banti rahi
Kahin koi gulabi shaam 
Tere khayal ki dhalti rahi
Her subah tere naam ki
Apni ankh malti rahi
saath hai vo saaya sa
Bas mulaqat talti rahi
Naye saal ki tarang se
Ek umang behelti rahi