abhi tafseel-e-haal mohaal hai
laikin jo haal hai bad-haal hai
kahin koi khwaab paamaal hai
kahin asal ko milta zawaal hai
nasib nahi aah ko bhi germiyaan
serd jazbon ka hi ye kamaal hai
pur-ummid hain dashth chaarsu
yehaan bahaar ab ke halaal hai
alam hai shab-o-roz ka ab bhi wahi
bas khwaab hai ab na khayaal hai
lafz bhi gum hain apni talaash may
kya koi arzoo hai ya koi sawaal hai
jwaaz apna khwab dhundte hi rahe
zindagi tou haqeeqaton ki misaal hai
pyaas dil ki sahi rooh tou sairaab hai
ke mera habeeb saheb-e-jamaal hai
tera khayal ab bhi herkath hai meri
Aaj tak mera yaqeen be-misaal hai
chah kar bhi chahna chod na sakey
tere haath isi karam ki mashaal hai
No comments:
Post a Comment