Search This Blog

Monday, July 24, 2017

do lafzon pe mushtamal hai kul ye zindagi......................



aaj phir se kholi hai waqt ne
tarteeb se rakhi apni likhi kitaab
kab se tarsey huye they lams ku
udaas they kitne adhure baab
kaatib ne husn ko husn hi likha
waqt ne likha dubta hua koi mahtab
her ek nigah thi kitni mokhtalif
koi dil ban ke dekhta aur koi aqaab
jiske haath bhi laga be-mole hi raha
saudagaron ki bheed may dil kahan janab
na-aqibat, andeshon ke haath lut gaya
ye tou azal say khud may hi tha sazayab
do lafzon pe mushtamal hai kul ye zindagi
aqal-o-faham se honge dono jahan kamyab
zamaane pe ekhtiyaar us ek khuda ka hai
gar vo lene pe aagaya ho kar rahega hisab

Wednesday, July 19, 2017

Duniya se dil laga kar........






Duniya Se dil laga kar duniya ka bhedh paaya
Khuda Se dil lagaatey do jahan ka bhedh paatey
Aakhir kaha gaya kyon duniya hai ek kasoti
Roz hi hashar hai maidaan hain rishtey naatey
Ek pal saraab sa hai ek pal lagey haqeeqat
Koi khwaab sa pal, kabhi hum bhi jee ke aatey
Baad muddaton ke sehra ,qaafilon se mila hai
Hai ek raat ki tamanna ,tum chaand ban ke aatey
Ji bhar sab ne loota ,deewanon ki deewangi ko
Shauq-e-dushmanan samajh aata hai aatey aatey
kahan jaantey hain nadan pusht ba-khabar hai
hoga hisaab niyaton ka ,kaash waqt per jaan jaatey
sadq-e-dil se maangte gar, inaayet zaroor hoti
aaj tak na dekha ,waan se khaali kisi ko jaatey

Friday, July 14, 2017

ek nigah jaanib dil ke uthi hai........



phulon ki wadiyon may
ek dar abhi khula hai
madham si sargoshiyon may
koi chupke se aa mila hai
do nain pyaase pyaase
per in may na koi gila hai
gar ho batwara chahaton ka 
chahane waalon ka hausla hai
jo maange mun ka moti
usey us se sawa mila hai
jo khahishon may jala ho
ek khwab hi uska sila hai
mehekti saba keh rahi hai
shuru phir wahi silsila hai
koi khayal daman se liptey
lafzon may phir vo dhala hai
ek nigah jaanib dil ke uthi hai
her ahat per ye patta chala hai
bekhudi bhi ab khud may nahi hai
zindagi may ajab sa khula hai
shab-o-roz hain wahi ek lamha
jub jub khayaalon ko tu mila hai

Sunday, July 2, 2017

Ek khwab ho per .......................


Related image

jub baat husn ki chalti hai

Tum jaane kyon yaad aajate ho
ishq fiza may jub ghulta hai
khayal tumhare hojaate hain
koi dum fursat ka mil jaaye Tou
her baat tumhari yaad aati hai
gar waqt ehsaas se chin jaaye
tum waqt may dhal kar aate ho
ek lafz mere hisson ki herkat hai
wahi lafz liye tum darr aate ho
ye dil bhi ajab pagal-khana hai
apne israar lutaana chahta hai
pe dar pe zarbon se isko sataate ho
phir khamoshi se isey barmaate ho
fasanon per bhi gar ghaur karo
tah-e-aab ubhar kar aate hain
ek ek moti chun chun laate hain
tumhari aab-o-taab yaad dilaate hain
Ek khel barson se jaari hai khayalon may
Shab-o-roz ki gardish  ke maaron ka
Unki khatir unke liye unke  hojaate ho
Phir bhi unke haath kabhi na aate ho
Ek khwab ho per haqeeqat se pyaare ho
Ek tum hi to hum ko hum se milaate ho
apni ankhein hum may chod jaate ho
Bhaley duniya ko nazar na aate ho
Her dum ehsaas May tum jagmagaate ho

Monday, June 19, 2017

aksar raaton ko badal kar bhes hum apna.......................






aksar raaton ko badal kar bhes hum apna
khwabon ki  duniya  may ji  ke aate hain
yaqeen ki manzil  kahan  loag paate  hain
insan  yehan se wahan ja ja ke aate  hain

--------------------------------------------------

subah  az sar-e-nau ek naya iraada hai
jhonka  hawa ka hai ya koi  waada hai
zindagi ka safar hai  par pa pyaada hai
kal se aaj may jeene ki arzoo zyaada hai

----------------------------------------------------

gulon  se aaj phir pyaar ho  gaya hai
kya hua agar inhein khaar le gaya hai
serhadein muhafiz hain dushmanon ki
inhein nahaq hi dushman kaha gaya hai

--------------------------------------------------------

sarsabz wadiyon may chale they
tere qadamon se qadam  mila ke 
ek ajab hausla dil ko mil raha tha
teri justaju may khud ko bhula ke
purkhatar dhalan sa be-khatar tha
ek  nazar churali sab  se chupa ke
her taraf  basi hai ab tak yaad teri
roz ek naya rang  hain tere khaake
ekhtiyar mujh per tera bhi nahi hai
ye jazba mila hai khuda ko paa ke

Tuesday, June 13, 2017

teri hi ibtida hai........................



mai jaanti hun her waada tera sacha hai
ek teri rahmat ke siwa kya muddua hai
insan ki fitrat may hikmat hi poshida hai
her arzoo may bashar ki teri hi ibtida hai

-----------------------------------------------------

Gharz junnat bhi harees ka laalach hai
saheb agar zyaan Khahish-e-duniya hai
Asaayesh-e-junnat ka khwab ye Kya hai
Phir duniya kyon mahaz ek guzargah hai

-------------------------------------------------------

loag daryaon may ekdin aag lagaa denge
apne nafs ko aakhir kub tak hawa denge
gadagar jub koocha-e-haq ke sada denge
un ke kashkol may dil hans ke luta denge
haaziri ka qareena  mansoor sikha denge
nazeer khud ko raahon may bicha  denge
chund lamhe inayet kay paar laga  denge
tere sab dukh ,tere karam hi mita denge
ek raah asan hai mohabbat ki mila denge
yehin khaak say noor ka safar kara  denge

Sunday, June 4, 2017

Aye zikr-e-mustafa marhaba marhaba.....................





Aye zikr-e-mustafa marhaba marhaba
Deewanon ke hosh ki aap hi hain dawa
pyaase jaante hain kausar ka martaba
Aab-e-kausar pe rashk karta hai Khuda
sharf adam ka aap se,aap hi ho waasta
aap hi ki badaulat ,hai ashiqon ki baqa
aap ke jalwon may hai khana-e-khuda
aap se hi ki kaaniaath ki, Us ne ibtida
aye mujtaba aap hain inaayeton ki ada
aye shaafy-e-umam darkaar hai shafa
honge aboor pul , nifaq ka chod raasta
her nazar ho unki nazar ban unka gada

Thursday, May 25, 2017

kar nigaah-e-karam phir ek baar kar.......................





Aye watan-e-azeez mujhe yaad kar
mujhe de apna waasta faryaad  kar
mere wajud ko khud ki nahi khabar
jo faseel si hai uthi hui masmaar kar
vo jo kal tha tera mera hai khwab sa
rahne de husn yaad ka na aazaar kar
waqt ko de lagaam nigah ko taab de
apni nigah se phir isey do chaar kar
is hisaar se hisson ko mere azad kar 
kar nigaah-e-karam phir ek baar kar

Tuesday, May 16, 2017

Wahi nigaah sang liye phir rahe hain hum...........................





sabr-o-qarar ko awaaz de rahe hain hum
ek teri yaad se ghalath kar rahe hain ghum
kitna haseen tha teri mehefilon ka khumaar
wahi nigaah sang liye  phir rahe hain hum
do lafz kya mile khamosh hogaye hain dil
is tarz-e-ashiqi per mar mit rahe hain hum
chupke se qurbaton ki kara jaata hai koi sair
ek dil hai jis ka tawaaf kar rahe hain hum
kinara kashi teri aakhir kinaare pe le gaii
warna talaatum say ulajhte rahe hain hum
aaj bhi darkaar hai sarkaar hum ko rahbari
duniya junun hai shikaar ho rahe hain hum

Thursday, May 4, 2017

Duaon may jo aksar.................






Duaon may jo aksar yaad aate hain
Jaane vo log kaise hain jo bhul jaate hain
Umar saath haal maazi halaath ka rona 
Muazrath ke saath do lafz bole jaate hain
Zaaya kar na baaton may jo besh qimat hai
Yehi waqt hai jisey log aksar ganwaate hain
Roz-e-hashar dost hogi mahaz teri tanhaii
Na dost na behen na bhai saath aate hain
Qabil kar le khud ko abhi waqt baaqi hai
Sab yaad hain bas khuda ko bhul jaate hain
Asal may admi anjaan hai anjaam Se apne
Bahut kum hain jo khud ko khuda Se milaate hain
herkat jin ke dil ki khilaaf-e-fitrat Ho 
Wahi rab ki nazar may moqaam paate hain
dhoya hai sabhi ne bojh mahaz jismon ka
rooh ka bojh jaane kitne boojh paate hain
zindagi waqi ek adhura khwaab hai laikin
iski takmil ki khatir dono jahaan bhulaate hain
thaki thaki fizaon may naghma-sara yaad hai koi
jin ki duaon may hum khud ko roz paatey hain

Monday, May 1, 2017

rakh jalaaye charagh-e-dil.........................





aye mere dil hosh kar
tera raqeeb hai josh per
Jo gharq hai pehle se hi
Usey aur na mutahosh kar
mil gaya jise tera suragh
na jaa us ke naqoosh per
vo jo aata nahi hai nazar
hota hai hawa ke dosh per
gar paane ki usko chah hai
sawal ko apne khmosh kar
rakh jalaaye charagh-e-dil
yehi ek matta uske gosh kar

Monday, April 24, 2017

Ye sabz mosam.......

Image result for spring flowers trees


khayaalon ki hukmarani tamaam horahi hai
khamoshiyon ki meherbaani aam horahi hai
-------------------------------------------------------

ye sabz mosam,hain ummid ki nishaani
inhi se milti julti ,hai insaan ki kahaani
derd mosamon ka gardishon ki zubaani
jaakar jo laut aaye ye unki shaadmaani
uska karam hai teri, ankhon ka ye paani
aala wahi hai jisne, apni kabhi na maani
mubarak hain jinki,qadrein hain puraani
jaante hain yehan,her shaye hai aani jaani
naii nasal maangti hai,hikmaton ki nishaani
ab ke khud khuda ne unki rahbari ki thaani
jo rang dain dilon ko koi unka nahi hai saani
Her lamha paighaam kargai hai unki zindagani

Friday, April 21, 2017

karam karne waala kar gaya hai......






phir dil ka mosam badal gaya hai
koi khayalon se mil kar gaya hai
shayed koi taaza hawa ka jhonka
chupke se chu kar guzar gaya hai
ye sakhaawat aam tou nahi hai
karam karne wala kar gaya hai
ehsaas deta hai sadaq ki gawahi
isi ehsaas se koi sanwar gaya hai
saare adhure lagte they nazaare
koi inme rang apne bhar gaya hai

Monday, April 17, 2017

maine inhi khamoshion se ki roz guftagu................




aakhir usey bhi daman chudana agaya
akhir usey bhi ab nazar churana agaya
akhir ye fitrat-e-duniya hai saahibaan
akhir us ke haath bhi paimaana aagaya
kahan socha tha hai ulfat waqt se parey
akhir hisaab umar ka usey lagana agaya
tufanon may doshaala jo banta raha sada
aaj apni kamli kis tarha chupana agaya
mumkin nahi ke saaye ho jaayenge juda
meherbaan,ho na ho tujhe sataana agaya
maine inhi khamoshion se ki roz guftagu
un guzre palon may mujh ko jeena agaya
hum humrang na sahi taalib tou hain tere
humein apni khudi ko ab azmaana agaya

Tuesday, April 11, 2017

Kaii dino say.....








kaii dinon say
koi yaad ban kar
isi deewar per
mai tung gaii hun

jism ab raha nahi hai
bas rah gaii hain ankhein
vo jaane kis khoj may
asmaan say mil gaii hain

sitaaron se nazar milayein
nigahon ko taab ab kahan hai
chaand humshakal hai us ka
yehi khayaal ab meri jaan hai

noor may doobi tasveer koii
nigahon may chali arahi hai
un shafeeq haathon ki nermi
in may ghuli jaa rahi hai
jaise koi pyaasi birhan
in may dhuli jaa rahi hai

jitni azeeatein zeest ki theen
Darmyan say in ke nikal gai hun
dil aur duniya ke bhedh saarey
kya haath aaye, Sambhal  gaii hun

mehfuz hai aaj tak mujh may
un khushk lubon ka wada
us mutabassum chashm ka ishaara
humqadam hai vo mussamam irada

ek sadiq talluq ki roshni hai
naam jis ka zindagi hai
un be-zubaan sohabaton nay

kitnon ko sikhaii bandagi hai

Thursday, March 30, 2017

Ek mussaver......


Image result for beautiful women paintings


ek mussaver kab se khayal ko
apne khayali butth se nikaal kar
dhaalne laga hai khaakon may 
kahin aisa na ho ke vo khaaka
uter hi aajaye uski ankhon may
----------------------------------------

vo zeenatein tamaam waqt le gaya
vo roghbatein khud tamaam hogayeen
na jaane aqal se parheiz kyon raha usey
dil ki besood koshishein nakaam hogayeen
muddaton ke baad khud se azad hogaye
umr ki adhuri manzilein paigham hogayeen
qismat ke faisley aate aate hi aate hain samajh
ranjishein saubatein ulfaton ka inaam hogayeen
tassawur nigah ko rang deta hai do ghadi
ye pal do pal ki inaayetein uske naam hogayeen
zindagi her lamha lagti hai hum ko ajnabi
teri meri kahaniyaan ab aam hogayeen

Thursday, March 23, 2017

Chalo phir koi ummid ki amad hai......................



Chalo phir koi ummid ki amad hai
suno phir koii khayalon ki bhar paai
Abhi hai waqt,hafiza Zara sa khush ho le
Dil ki khahish hai ke vo bhi kuch boley
Abhi tak khwaab , kehte they sunte they
Aaj hasti ne raaz apne ajab kholay

------------------------------------------------------

Koi sargoshi chaunka deti hai raaton ku
Nind may zaaya kar na mulaqaton ku
Abhi ghafil ganwa na emkan-e-vasl ka mauqa
Ye shab khwabi kahin de na jaaye naya dhoka
Koi dhund chutne ko beqarar hai kab se
Koi nazara milne ko betaab hai kab se
Ye duniya khayalon may hi guzri hai
Yehan khwabon ki hi sabz nagri hai
Haqeeqatan hosh ka hausla kum kum hai
Vo ab tak khud se mil kar hi gum hai
Aah! Zindagi tujh se mil hi sake na hum
Her aah per tujh se door hotey rahe hain Hum
Jo roya karta hai duniya ke na hone pe
Vo phir roya kare na moqadar ke khone pe
Zindagi niyamat hai hazari agar samjho
Pal pal karoge aabyaari agar samjho
Koi khud dhoka hai koi hai khud mauqa
Koi khaali nahi hai ajar se agar samjho
Yaad ka kona kona muattar hai
Yaad ko bas tu hi tu muyassar hai
Taalib aaj bhi be perwaz aur be parr hai
Matlub hamesha se deewanon ka khugar hai

Friday, March 3, 2017

khafa khafa si.....





khafa khafa si lag rahi fiza ye
mosam ka apna mizaj bhi nahi hai
door tak nazar kar sake jis ka peecha
aisa koi manzar door tak nahi hai
khamoshi dil may mehfuz hogai hai
ab usko zuban ki zarurat nahi hai
ehsaas ban gaya hai saath rehte rehte
us ke lams ka ehsaas kyon nahi hai
fasaana lag rahi hain be-khwab raatein
shama ko bhi jalne ki ijazat nahi hai
kyon ghabra rahe hain vo aainon se
jin ki nigaah khud per teherti nahi hai
zikr ki ghadi karaaye tere darr ke phere
faryadi ka kabhi waqt zaaya hota nahi hai
aye khayalon ko paighaam karne waale
tere khayal may guzar inka hai ke nahi hai

Saturday, February 25, 2017

ye lafz hain gulaab ..............





ye lafz hain gulaab 
inhein tou hai mehekna
ye lafz lafz hain kitaab
inhein kahin tou hai bikherna
shola-e-dil hain ye janaab
inhein kabhi tou hai dahakna
ye shauq-e-hijr ke hain chanaab
inhein kabhi tou hai bhiparna
humne chaha kabhi na chalkein
vo chahta hai paaniyon may uterna
gar ankh uth gaii ye num num
kahin aab-doz kashtiyon ka 
mushkil na hojaaye chalna
patwar bane huye hain kab se
jin ka khud mushkil hai sanmbhalna
muntazar ek soch ka hausla hai
kabhi tou mujh ko us paar hai uterna
badha ke dekho kabhi qadam ye
agle qadam pe taye hai uska milna
kyon lagta hai waqt ruk gaya hai
ya zameen bhul gaii hai sarakna
ye kon baagein meri sanbhalta hai
mushkil hai hadon may iradon ka teherna
mohabbat waqi ek kashmakash hai
Is palde ko hai lazim  dono taraf hi jhukna
humein ye zamaana phunk na sakega
humein aata hai mohabbaton may jalna bujhna 

Thursday, February 23, 2017

Tamam umr ki musafaton ne.......





Tamam umr ki musafaton ne
Kahin bhi ojhal kiya na tum ko
Mere raat aur din ki gardishon nay
koi ghadi bhulne diya na hum ko
Gar tilsm per na ho tumhein bharosa
Aao ek baar phir ji ke dekho hum ko
Khuda khuda pukaarte they umr bhar
Tha vo achamba jahan milaya tum ko
Mushkilon may munkir hua Hai insan
Mushkilon ko kar ke asan bataya hum ko
Ek raah hai ulfat jahan khaar bhi hain gul
Kharon ko mehbub karna sikhaaya hum ko
Shayed usey patta Ho ke bismil be-khata ho
shab khoon ka matlab samajh aaya hum ko
kabhi atta bhi be-sabab mili hai kisi ko 
ek tabassum ne israar samjhaya hum ko
Na kar ranj duniya bani hi is liye hai
bekason ki nazar may rab nazar aaya hum ko

Wednesday, February 22, 2017

Zinda to hotey sabhi hain......................







Waqt tamaash been hogaya hai
Hum hogaye hain tamaasha  
Duniya ke rang hum per
Nahi lagey zara sa
Mushkil yehi hai apne dil ki
Apne haal ka ghum nahi zara sa
Zinda to hotey sabhi hain
Zindagi tou mehsus karlein zara sa
Humne lalkaar per lubbaik keh diya hai
Hum ko apne rab per shak nahi zara sa
Khair maangte hain apni deewangi ki
is waraftagi per, ho karam Zara sa
Teri khamoshi ne saakt kar diya hai
Humein hosh apna,nahi hai Zara sa
Shab-o-roz ka alam Kya Poochte ho
In May lagta nahi hai koi apna Zara sa
Hijrat aur hijr ke kar ke puray taqaaze
Qiston may but gaya hai wajud ye Zara sa
Achi sujhaii tu ne rasam ye wafa ki
Be-dil per ,taras khaa to le Zara sa
vo jalwa ashkar bas hua chahta hai 
Duniya ki bheed ka, perda hai Zara sa
Koi shabeeh uski,  banti kyon nahi hai
Kho jaata hai tassavur , aa aa ke Zara sa
Noor-e- mujassam dhalte kahan hain paikaron may
Deewanon ki khaatir bhes lete hain zara sa
Rooh may uter kar raaz hasti ka kholte hain
Is karam ke sadqe khud ko paaliya Zara sa
Mujh May sada ,wahi tou bolta raha hai
Jis Ki khamoshi ke aage hum hogaye hain kaasa
Khuda ne apne Faiz-e-be-karaan ka
Hum per kar diya khulaasa 

Thursday, February 2, 2017

Mai khwab nahi Hun....





Junnat Ke khwab 
dekh leta hai admi
Junnat chahati hai kya
Kahan sochta hai admi
Logon ka hisaab hai kharab
Bhul jaate hain karna shumaar 
ayesh koshiyon ka aage bhi hai intizar
Vo jo kiya nahi umarbhar
Vo jo karte rahe they umarbhar
Khuda se hut gaii bas junnat pe hai nazar
apne saudon se bakhabar hota hai admi
Khud ki bhul kar bhi bhulta nahi
Kisi aur ki meher mohabbat se tolta nahi
Warna Insaaniyet ko qarz ki tarha wasulta nahi
Rab ne ek dusre ki khatir baanaye they admi
Admi se hi cut ke rah Gaya hai admi
Duniya ke rang to adam ke dum se hain
Gar admi na raha Kya karega admi
kehte hai maut to aati hai waqt per
Aaj kal admi ke liye khud ajal hai admi
Dil ka gudaaz hi junnat ki peheli seedhi
meher-o-mohabbat se hi milti hai vo ghadi
Ek tabasum se bhi junnati hosakta hai admi
Kisi dil ki dua tujhe abaad karsakti hai admi
Khwabon se aa nikal mujhe paane ki sayee to kar
mushkil nahi hai kuch bhi gar thaan leta hai admi
Rab her raah per nishaan ban ke mil Gaya
Teri mohabbaton May tujh may hi dhal Gaya
Qaliq hai dastaras may admi aur tujh ko Kya chahiye
Us ki sangat se behter aur kaunsa moqam chahiye
Paana hai mujhe apni maa ke qadmon ko choom le
Ghaur kar junnat inaam kyon hui aur jhoom le
Mai yehin kahin Tere Amal ki Hun muntazar
Pehle khud ko tayar kar us ki  inayeton ka shumaar kar
ye duniya ka karobar sajaaya tere liye
Kal bhi tha vo Tera aaj bhi vo hai tere liye
Teri hi khatir junnat Se nikaala gaya tha admi
Ummati hone ki laaj rakh mujh ko paa le admi

Thursday, January 19, 2017

ye koi daur hi nahi shayed...............





kaii dino se lagta hai
ye koi daur hi nahi shayed
na koi beeta hua zamaana hai
humare kal ka na koi thikana hai
bas hawa may tahleel ho jaana hai

aakhir ye kaunsa padau hai
koi shajar koi saaya bhi
sukun kyon nahi deta
hamari daastan si dastanon ka
kaash naya unwaan koi hota

jub bhi nazar pairon pe tikti hai
ghabra kar kahin door ja teherti hai
ye qismat ke maare thakan kahan jaanein
inhein le gaya tha koi khud ko azmaane
abila paa sadion likhte rahenge afasaane

khayaalon ko gar kisi ne suna hota 
phir na koi kisi ka hum-nawa hota 
raaz ki tarha tha khayaalon may umarbhar 
uska martaba jisey hai jaan se azeez-tar
dil hi dil may rahe tou hai khoob-tar

Sunday, January 15, 2017

khamoshi teri mujh may dhal gaii..................



khamoshi teri mujh may dhal gaii
tere nasib ki kadi mujh se mil gaii
udaas hai koii baadlon ke darmyan
bundon ki jhadi ankhon ko khal gaii
mosam aate jaate rahe hafize ki tarha 
chupke se teri yaad phir machal gaii
sayaad ne qufas sajaya tha pyaar se
per,perwaz ki lagan paron ko mil gaii
ye khwab hai ya vo koii khwab tha
yehi kashmakash mujh ko nigal gaii
jabar sa jabar zad may sabar ke tha
ek kamzor aah phir,apni chaal chal gaii
chod,khasta haal dil ke ashvon ki dastaan
kya ho aag ishq ki gar tujh se nikal gaii
ab yaad bhi nahi kis baat ka sila hai tu
vo kya nigah thi jo mujh ko badal gaii

Friday, January 13, 2017

mai adam ki hun buniyaad................






Mera naam Mazhab hai

Mai Hindu Hun na isaai
Mai yahud ki na maa jaai
gar mujhe samajhna chahoge
mujhe apni rooh may paaoge
Mai adam ki hun buniyaad
mai aaj lagti hun kyon fariyaad
Mai tumhein zindagi samjhane Hun aai
Mujh May maujud hai pehchan-e-khudaii
zindagi sirf saanson ko nahi kehte
Gar tum jaan lete tum bhi yehi kehte
Arey jaago mujhe samjho mujhe chaho
Ke mai azal se zindagi ka tareeqa hun
Mai na-samajh duniya ka pehla saleeqa hun
Kaash mujh ko logon ne baanta nahi hota 
Unke darmyan tafreeq ka kaanta nahi hota 
Mujhe tumne kabhi kahan socha 
Mere sach se guzar kar kahan dekha 
mai tumhari dhadkan hun deewano
Mai tumhari azli Lagan hun deewano
Aah! Ye likha qismat ka to hona tha
Mujhe kuch ne paana kuch ne khona tha
Mai aaj tak andheron ki paheli hun
Mai tumhare raaste ki manzil akeli hun
Mai aaj bhi Israar Hun shayed
Mai aaj bhi ekhteravon may giraftar Hun shayed
Suno mai raasti ka hun paighaam
chain-o-aman laai hun tumhare naam
Mai ab talak jis ke haath na aai
meri uski puraani hai shanasaai
ye jo hersu hiraasani si phaili hai
dil paraganda aur soch maili hai
Ye fitna firauni sada tumse kheli hai
Chalo waqt se pehle atta ki ghadi aai
 Mai ujaala Hun adam ki qismat ka
 Mai rab ki inayet samjhaane Hun aai
 Mohabbat buniyaad hai mazhab ki
 Ye emaarat us waqt hoti hai qaayem
 Gar insaanon ne insaanon se mohabbat ki

Thursday, January 5, 2017

saadat




kitna mushkil hai yarab
insaan ka insaan hona
us se bhi kathin hai shayed
uska tera nishaan hona
sab haar ke maine dekha
apni hasti ka zyaan hona
ek tere siwa sab dhoka
tu chahta hai ayaan hona
ye bechaini ek ishaara hai
mushkil ka hai asaan hona
koii kasafat na rahe baaqi
mumkin hai uska bayaan hona
haath aayenge jahaan dono
afzal hai khalikh ka nihaan hona
arzooo gar ek himaqat hai
laazim hai haasil ka gumaan hona
mokhtar ki baagein hain teri hasti
bekar hai tera chaak garebaan hona
ye mohabbat bhi uski inayet hai
ain saadat hai uska makaan hona
Roz milaata hai ek haqeeqat se
Uske hone se hai apna yehaan hona