sabr-o-qarar ko awaaz de rahe hain hum
ek teri yaad se ghalath kar rahe hain ghum
kitna haseen tha teri mehefilon ka khumaar
wahi nigaah sang liye phir rahe hain hum
do lafz kya mile khamosh hogaye hain dil
is tarz-e-ashiqi per mar mit rahe hain hum
chupke se qurbaton ki kara jaata hai koi sair
ek dil hai jis ka tawaaf kar rahe hain hum
kinara kashi teri aakhir kinaare pe le gaii
warna talaatum say ulajhte rahe hain hum
aaj bhi darkaar hai sarkaar hum ko rahbari
duniya junun hai shikaar ho rahe hain hum
No comments:
Post a Comment