Ek naau kaghaz ki
Mere ghar ke angan may
Raah bahne ki dekha karti hai
sukha aangan kehta hai
Baara mahine is ghar may
pathjhad ka mosam rehta hai
sau mosam aaye chale gaye
is ghar ka ek hi mosam hai
duniya hazari niyamat-khana hai
is ghar ki qismat sooni hai
neem ugaane waale ne kub socha tha
ye rag rag may uter jaayega
insaan ki saari kadwahat
khud may sama laayega
is ghar ka her kona ek kahani hai
is ghar ki adhuri jawaani hai
maali mosam ke derd chunta tha
daaliyon ke khwaab bunta tha
kehta tha ek din in shaakhon per
gulon ke mosam aayenge
ye jo puraane mosam hain
phir koii naii baat sunayenge
waadon ki umr choti hai
qismat ki niyyat khoti hai
aangan ujda ujda rehta tha
her fard se roz kehta tha
dekh ek din koii aayega
ek aur kahaani ban jaayega
haan aaya tha koi ek din
ujde aangan se chun chun kar
ek ek khwaab le kar chala gaya
ab koi aankh na sotii hai
na khwab ki himmat rakhti hai
sukhe veeraan aangan may
ab saayon ka basera hai
her din aaj bhi be-bas hai
her raat wehshat ka phera hai
dil jis aangan se tha wabasta
ab na tera hai na mera hai
No comments:
Post a Comment