Aye ghum-e-be-karaan

Aye ghum-e-be-karaan

Tu kahaan nahi,Kahaan nahi

Na ho pareshaan meri ghazal

Nazm na bigad jaaye kahin

Zabt-o-jazb ka hi riwaaj ho

Phir kahin jazbon ki meraaj ho

Ek mauqa hojaaye gar atta

Phir khayaal paaleta hai khuda

Aye udaas rutt teri qasam

Maine bhula diye ranj-o-ghum

Inhi may khushi ke raaz hain

Soz-o-Saaz ek hi andaaz hain

Kabhi guzro kisi derd ki shaam se

Dekhna hojayenge derd apne aam se

Sadion se zindgi ka yehi hai chalan

Ye kabhi khaar hai kabhi chaman

Mai kahin nahin ,tu hai ku ba ku

Maalik rahe tera karam aur meri “hu’

Chehre aks roohon ka

Chehre aks roohon ka

Aksar hua nahi kartey

gar haqeqat samjh letey

log chehron per nahi martey

Tajdeed-e-mohabbat ke liye janaan

Tajdeed-e-mohabbat ke liye jaanan

apna milna zaruri hai

Dekho Hosakta hai jaanan

Kabhi mujh ko bhula baitho

Yehi meeraas hai bas apni

Chund lamhe qayaamat ke

Koii shab ghum-e-mohabbat ki,

Ek seher-e-ummid inayet ki

Tumhen yaad ho ke na ho,

Meri yaad faqat tum ho

Meri manzil ka sahara tum,

Her tufaan ka kinara tum

hasrath ko bade shauq se paala

Her khwaab adhura jhela

Phir bhi na shikayet ki,

Yehi rasam mohabbat ki

Tum dhundloge bahaane sab,

Baat moqadar ki bhi karoge ab

Kabhi waqt junun jo tha,

Kya koii guman tha ke fusun tha

Maazi ko haal bana daala,

Her khauf dil se mita daala,

Beemaar ke liye janaan,

Kya Ab tak na mila shaafi

Tahrik-e-mohabbat ke liye janaan,

kyon ek dil na hua kaafi

Aks jo bhi sawaali honge,

Tumhen apna patta denge

tutey dil ki sada kya hai,

tumhen itna tou bata denge

kahaan ab humse deewane

Umr kuch is tarha

Huii basar apni

Na thi kisi ki khabar

Na rahi khabar apni

ajab dil ke mosam they

ajab thi dagar apni

Apni zindgi kub thi

sab ki rahii magar apni

waqt ke taqazon per

kahan hui guzar apni

ajab moqam hai ashiqi

wahin hogaii basar apni

hotey be-khudi ke qaayel

hoti khudi agar apni

jiske aage jukh gaya dil

usi ne ki qadar apni

maikash aur mayekhane

unme kahaan lehar apni

kahaan ab humse deewane

kahan paai sab ne nazar apni

Zindgi Badan Hai....

Zindgi badan hai

Maut ek quba hai

khwaab se husn ki

Mashur-kun ada hai

Rupehele raastey hain

Manzil magar juda hai

Ek shahid-e-fana ka

wahed moqam-e-irteqa hai

saraab khahishon ka

taabir-aashna nasha hai

samjho tou zindgi ye

Maut se wafa hai

Gar yaar meri maano

Maut zindgi ki sada hai

Kya Chahiye.......

Saans lene ka faqat

Gumaan sa hai kyon

Zindgi faqat zindgi

kyon lagti nahi

aakhir aye jahaan

tujh may kya hai kami

tu apni asal se

kabhi milta nahi

tere zahur may

hai usi ka zahur

tere shab-o-roz may

sirf uska shauur

aakhir tujhe ab

aur kya chahiye

maut se pehle maut

ya zindgi chahiye

tu jaan leta agar

raah kaunsi hai ye

teri mannzil hai kya

her dil my hoti

bas ek hi iltija

yarab meri zindgi bhi tu

maut hai tere milne ki dua

Yaqeen ko Apne Aazma

Aye khuda

Dena usey

Ek roshan subah

Kitni raaton se

Vo soya nahi

Kitni subahen

Khoya hai vo

Zindgi ehsaas hai

Usko hojaaye atta

ye raaten azaab si

subahen be-noor hain

uski dastaras se

ye mosam door hain

usne khud chuni

apni khahishon ki saza

vo bangaya kisi aur ki

khahish ki dua

phulon ki rahguzar per

chalta raha abila-pa

ristey zakhmon ka usey

patta tak na chala

in ansuon may

shaamil hai uska lahu

uske derd hain sabhi

mere derd kaise kahun

dost jub ho naaseha

sab hojaye khatta

ek apne siwa

ek baar bas zara

yaqeen ko apne aazma

dil ki awaaz sun

waan kis ki hai sada