inaayet

in shab-o-roz ki mai nazar hogaii hun
Duniya kya mai teri shikaar hogaii hun
sab chah waale aaye,chah kar chale gaye
mai teri chahton may ashkaar hogii hun
waqt ne cheen daale ankhon se ujaale
thaam kar tera daman, paar hogaii hun
teri karigari se seekhi,dilon ki dastkaari
teri inaayeton se mai sarshaar hogaii hun
chahe mujhe ye duniya jitna bhi azmaa le
un ki mohabbaton ki talabgaar hogaii hun
khahish hai sarphire ki, deewangi hai dil ki
de kar dil dil ko ye dil,dildaar hogaii hun
log khudnuma hain,dusron ka safar bhi karte
aaine se kar ke ulfat,uska kirdar hogaii hun
waqt ki nazar hai na zubaan hai, jo koi sun le
nadaan tumhaare azal ki mai pukaar hogai hun
shahon se azeemter hain mumtaz karne waale
tumhare is rukan ki mai parastar hogai hun

tere israar ka karam hai.............

tere israar ka karam hai
mera bolta ye qalam hai
ye fiza  bhi  aaj num hai
mosam ka mizaj gum hai
na jaane kis ka ghum hai
duniya guman waham hai
aqal azal se na-faham hai
ek  apni zaat hi sitam hai

Ek umr ganwa kar jaana ye .....

Khwab sunehre dekhe they

Ek umr ganwa kar jaana ye

Khwab jisey hum kehte they

usi ko duniya kehte hain

Ab tak jaari hai shoghal nindon ka

Ankh khuli to jaane kya hoga

Hosakta hai phir nind kabhi aaye na

Ankhon ko hawas hai jin jalwon ki

Unse phir nazar churaii jaaye na

Ek lafz fasana ban jaayega

Dil deewana ajab khel khilayega

Jaane kis kis ke aage jhukayega

Phir bhi haath kuch nahi aayega

Ye sabaq wahi hain Teri maktab ke

Jo samajh Gaya vo paar gaya

Jo na samjha uska Jeena bekaar Gaya

Ek tera khayaal le kar .......

Zakham khaate rahe ashk peete rahe

Ek Tera khayaal le kar hum jeete rahe

Duniya ne hum pe Laakh todey sitam

Her zakham apna hans kar seete rahe

Liya imtihan khird ka kuch is tarha 

Jism-o-rooh se  be-khabar jeete rahe

They Uski ulfat ke bade ajab masghale

Khayaal uski perwaz  per buland hote rahe

Ekhtiyaar tha jin pe ekhtiyaar de na sake

Khamoshi Se  zindagi may jaate aate rahe

Ek umar khud per hans kar guzaar li

Na-samajh they duniya Se takrar karte rahe

Duniya apne junun may mahu-e-raqs thi

Jaane kyon her ilzaam sar apne hum lete rahe

Hai Umar tohfa  her subah ek nai zindagi

nadan zindagi bhar zindagi per rotey rahe

hosh ki badal rahi hain manzilein.....................

maine dekha hai in tukdon ko jod kar

tujhi may dhal gaye khud ko mode kar

koi dil tod kar gaya koi muh mode kar

tera khayaal nahi gaya mujhe chod kar

hosh ki badal rahi hain  manzilein

asaan horahi hain duniya ki mushkilein

ja baja tere khayaal ki hain mehefilein

saara chaman tera aur teri hi bulbulein

tufaan apni zad may kahaan le sakey

daur kabhi hum per se na guzar sakey

tujh se aye dil hum na door ho sakey

ye khayaal phir  kisi  ke na  ho  sakey

nazar kehti hai aah bas ek nazar................

umr qaid may jub hoti hai basar

nazar kehti hai aah bas ek nazar

chaand ko ab nahi raaton ki khabar 

mataa-e-kul hai do sitaron ka nagar 

ek tees uthaati hai ajab ghum ki leher

mujh se pehle sab ne kiya hai ye safar

ye padau hain wahi hai purani ye dagar

in se bach kar kaise jaa paayega bashar

daur dar daur qist dar qist roz-e-hashar

insaan bada nadan kahan paata hai nazar

waqt ko na meeras bana ye zulm na kar
teri rahbari ke liye hi aaye hain khizar

                                 

huma waqt hai teri yaad ka dera......................

koi paikar tou nahi hai 
vo ehsaas hai mera
ek ujaala hai rubaru
chahe shaam ho ya sawera
jub koi chod jaata hai mujhe
kehta hai mai tou hun tera
bas dil hai isi surur ka aadi
is roshni ke aage kya hai andhera
mah-o-saal ka yehan hosh kisey hai
huma waqt hai teri yaad ka dera
waqt ne leli her shaye hum se suhani
mere saath bacha hai tera daur sunehra
aakhir mere khuda ne apna bana kar
Apne jalwon ko teri ankhon Se bikhera