Mujh ko qabul hai zindagi....

Mujh se tum ne aaj phir
Ek aur rang le liya
Vo jo etbaar tha
Zaamin tha her khushi ka jo
Zaayel zindagi se hogaya
Aah! Ye keel thi aakhiri
Muntazar tabut may meri
Meri jaan ne hi li jaan meri
Laakh chaha koi vavela na ho
Per saare sadiyon ke zakham
Aaj ek saath bilbila uthey
Aye khuda maine ye tou na chaha tha
-----------------------------------------------
mohabbat jiski dilon ka ghamaz thi
Duniya ke alam jiski ulfat ka raaz they
Tanhaiiyon ne bhi jisey toda nahi
aaj khud may bhi tanha na kaam kar gaii
Lagta hai jaise zindagi ek waham hai
Aur Her yaqeen mahaz gumaan hai 
Ek shaadab labraiz dil pal may tamaam kar gaii
Ye dastoor peechle daur ki hi meeraas tha

Aaj bhi khud Se nalaan,kal bhi badhawas tha

Waqt ki ye berukhi khud ko aam kar gaii
Kal bhi tutey they dil, be-awaz hotey they sitam
Aaj aaya hai,le ke wahi ehsaas wahi ankh num
Aah! Zindagi shaam se pehle shaam kar gaii
Kar qabul aye dil tere naseeb ki nawazishein
Kya hua gar mohabbat maat, jeet unki sazishein
Zindagi mujhe phir se apna pyaam kar gaii

Kya hua raazi nahi duniya Teri , tu ummid hai Meri

Duniya haar kar hi milti hai qurbat teri
Ye teshnagi, teshna dilon ka jaam kar gaii

khwab jhuley

abhi khayaal apni manzilon se kahan mile hain 

ye tou kaaghazi gulon se, sukhey padey hain

ye udhaar ke mosamon se, udaas badey hain

apni rahguzar se, jub se janaan ye mudey hain

teri mehekti huii gali se, door jaa padey  hain

aaj bhi waqt ke thapedon ke aagey khadey hain

-------------------------------------------------------------------------

kuch dair aur jhulney do

janaan khwab jhulon ko

is ufaq ki laali ko

gaalon may uterne do

in salma se sitaaron se

maang apni bharne do

in asmaani ujalon se

rang apna karne do

bedagh in jalwon ka

roop zara nikharne do

qudrat ke saare rang dhanak

khud may sanwrne  do

hasrath hai jo barson ki

aaj usko haqeeqat karne do

ek inaam hai apni hasti 

isey phir kabhi na girne do

Kya Hun......

Vo ek titli jo khayalon may ud rahi hai
Vo bhi meri nahi Hai
Ye dil sawali haath khaali
Tahi damani keh rahi hai
Yehan mera kuch bhi nahi hai

-----------------------------------------

Yaqeen-o-gumaan ke dayeron ki
Koi patli lakeer ban gaii hun
Asman  zameen ke dhundlakon may
Mai kahin bhi nahi hun
Per mai yehin kahin hun
Ye jo dubaiz chilman giri hui hai
Uski kisi dore may ulajh gaii hun
koii ghayebana safar tou nahi Hun
Isi tazbazab may kho ke rah gaii hun
Kya khaak hojayegi ye deewangi bhi
Tere noor ki Kya mai kadi nahi hun
Chor raston se aati jaati saba sang
Lahak lahak kar patang ban gaii hun
Kya waqi khushi itni hai arzaan
Jiski khaatir apni hadon se ad gaii hun
Suna hai khayaal,khaatir gunah nahi hai
phir is khayal se kyon mukar gaii hun
Log qatal kar ke bhi jhumtey hain
Mai qatal ho kar laraz rahi hun
Kahin mere rab ne koi aah sun li
Apne dil ko dhuwan kar rahi Hun
Rahe salamat khwab tere taqayamat
Mai khayalon may sab piro rahi hun

Do ghadi hai zindagani.....

Saba keh rahi hai
Aa mujh se jaam le
Qamar ka bhi hai ishara
Aa mujh se pyaam le
Do ghadi hai zindagani
Isey kas ke thaam le
Gaye waqt may lutey jo
Un lamhon ka salaam le
Vo haala hai noor ka
 us ka asli moqaam le
 Umr haal malaal bhul jaa
 Apni nesti ka inaam le
 aqal Ne tujhe pareshan kiya
 Apne dil se bhi kaam le
 takiya kiya Jis pe ta umar
 kaho kabhi mera naam le
 Ungliyan na utha maan jaa
 unhi ungliyon ka kalaam le
 Bhulta nahi hai waqt ka sila
 Teri sohbaton ka ek aur ghulaam le

Mere Habeeb.......

Mujh ko yaqeen hai
mere habeeb
Jub tak rahenge hum
Tu hi mera naseeb
Her lamha yaad ka
Tu hai mere qareeb
Javidan ulfat Teri
Ban gaii hai tabeeb
Mere khayaal ki
Tu tasweer hai habeeb
Dilon ke bhedh tou
Hote hi hain ajeeb
Jisne bhi paa liya
Ban jaayenge raqeeb
Jo saaya bhi nahi
Haqeeqat bhi hai muheeb
Phir bhi derd sa koi
Rehta hai kyon habeeb
Andheron may charagh sa
Milta hai tu habeeb

reza reza ye dil ................

ab aakhir ye kaam bhi hum kar lenge
dil dushman ka naam apne kar lenge
jinhein qabul nahi hai aisa ilzaam koi
unke liye ye ilzaam bhi apne sar lenge
vafaavon ka bhi aakhir hoga mole koi
un ki jafaayein naam apne kar lenge
ulfat unki sada rahi do dhaari talwar si
reza reza ye dil ankhon may bhar lenge
vo jaante hain moam ko akhir behna hai
hum ek din ek ek  pathar paani kar lenge
vo door rahen ya paas hain hamare khaas
waada hai rab ka saath hamare kar lenge
hum ko pata hai nafrat ek beemaari hai
hum darkhwast shafa ki un se kar lenge
mohabbat derd ke maaron ka tohfa hai
dono jahaan ka sauda bas isi se kar lenge

Intizar ke ye mosam

Aaj phir hum apni jadon Se aa mile hain

Rait ke is safar may taaza gul khile hain

Sadion purani dilbari ke ajib silsile hain

Sarakti hui zameen saath le kar chale hain

Ja baja dilon ke baab kitne khule hain

Khud apni zaat ke taley kaii dabe mile hain

Aaj is fusun may rang yaad ke ghuley hain

Manus Teri mehek se hum phir aa mile hain

Baad kitne dinon ke hum apne dil Ko mile hain

Teri nazar Ke nazar may kitne diye jaley hain

Pusht per Se tere saaye lafzon may dhale hain

Intizar ke mosam aaj bhi hayaat ke mashghale hain

Teri inayeton se raahaton ke darr ye khule hain

Her ek ki hansi may nishaan tere hi mile hain

Aaj bhi hum deewane wahi dil le ke chale hain

Adam ke dum se mai.......

koi ankh ansoo hai 
Koi masti ka naghma hai
Kahin dil sawali hai
Koi jazbon se khaali hai
Kisi ka khwab paana hai
Kisi ka muh mod jaana hai
Koi lub zabt ki nishani hai
Koi ash karti kahani hai
Gharz kis ko hai chahat ki
Kise perwa hai niyet ki
Yehan sab chut jaana hai
Koi saans gar sunaai de
Khud per roti dikhai de
Aah!kahan aagai hun mai
Adam ke dum se mai
Bojhal hun ghum se mai
Ye qaid mujh pe bhaari hai
Yehan ek jahad jaari hai
Log kehte hain zaruri hun
Magar mai unki majburi Hun
Inhein bas duniya pyaari hai
Meri to pal do pal ki yaari hai
Jaane jaan kar kyon hain anjaane
Khudara koi khud ko to pehchane
Ek dheir hai mitti ka
Ek din dheir hona hai
Jin Jin ki hasrath hai
Unhein Chod jaana hai
Paana lamhon ki kahani hai
Hona hi zindagani hai

Mujhe rahbari ne......

Mujhe rahbari ne 
Khaak hona sikha diya
Mujhe meri zindagi ka
Asal Matlab bata diya
Mai jahan jahan se guzri
Apna jalwa dikha diya
Mai lagi tanha Jahan bhi
Khud ko bawar Kara diya
Kaise maangti ghair se mohabbat
Tu ne khud ko sab ka bana diya
Tu Meri justaju ka haasil
Mera dil tujh ko bana diya

Mere yaqeen ko azmaane waale.....

Mere yaqeen ko azmaane waale

Kabhi mere liye khud ko azmale

-----------------------------------------

Ek dil aur saikadon fasaane

Ek shaam guzre kai zamaane

Ek dabi aag aaya tha bujhaane

Ek saaya badalta raha thikaane

Ek waada aaya tha dil nibhaane

Ek raah Lagi thi raah samjhaane

Ek arzoo lagi thi phir muskuraane

Ek dost mil gaya tha ghum sunaane

Ek lagi barson ki, lagi hai azmaane

Ek chaand laaya hai asman milaane

Ek dil aur sau khayaal hain suhaane

Ek din hongey rubaru dono mastaane 

Ishq hai mujhe........

Ishq hai mujhe apne khayaal se
rakhta hai baaz mujh ko zawaal se
Jin hasrathon ka muh dekha nahi
Moad leta hai  ye, apne sawaal se
Milta hai her koi, pehchanta nahi
duniya may mubtila , hain nidhal se
Ek mere siva , sab ki talaash hai
Khaate hain ghum,apne hi vabaal se
saudagaron ke haath Mai aata nahi
Maat khaate hain ye apni chaal se
Awal  bhi Mai  aur  aakhir bhi Mai
Waqif nahi hai tu abhi apne haal se
Khamoshi ki zubaan hai zubaan meri
Jalwon ka bhala,Kya kaam qaal se
Fitraton may gar,Mai ghul gaya kahin
ho jaate ek rang sab mere gulaal se

Jo aa ke ek baar

Mai kal bhi khwab thi

Aaj bhi deewane ka khwab hun

Apne her adhure khwab ka

Khud Mukammal jawab hun

Kaatib-e-qalam ki soch ka

Mai ek adhura baab hun

Dilon ka bhedh jahan ashkar Ho

Mai us faqeer ka be-kal rubab hun

Jo aa ke ekbaar,teher Gaya wahin

Mai us nigah ka,mehkta shabab hun
Jis ki sohbaton ka,gumaan hai aaj bhi
Us ke Assal ka,mai uth-ta naqab hun

Mohabbaton ki tarha nawaza gaya jisey

Mai us sagar ki Ana ka,adna hubaab hun 

Kal bhi jawaz tha aaj bhi hai zindagi

us ke baghair mai khaali kitaab hun

Duniya laakh karle uske haal ka shumaar

Mai un khamoshiyon ka biphra chanab hun

Muddat hui mujhe apna dil tatol kar

Mai aaj bhi unhi palon ka hisaab hun
Sehraon ka khumaar jin ki rahi ho pyaas
Mai Un jhumtey dilon ka saraab Hun

Sar per sarphiron ke sajta raha hai jo

Us dilnawaz ke qadmon ka gulaab hun

Meri zaat ek shehar hai.....

Meri zaat ek shehar hai

Yehan meri zaat darbadar hai

Lagta hai kahin aur ka safar hai

Aaj bhi kisi talaash per musar hai

Ek isi guftagu per apni guzar basar hai

Meri daastan kis qadar mokhtasar hai

Zindagi lagta hai bas akhiri pahar hai

Ujli ujli ruton may khwaab ka saher hai

Mosamon ka guman hai waqt muntazar hai

Khayal rooh ke hain lafz lafz muntashar hai

Sehra bhi lag raha hai phulon ki rahguzar hai

Deewane ki nazar may tanhai khoobter hai

Naghma Sara hai jo ehsaas be khatar hai

Meri guzar gahon ki tujh ko bhi khabar hai

Ye Meri chahein

Kyon dhundti hun thujh ko

Jub ke mujhe patta hai

Tu kahin nahi Gaya hai

Shaklein badal badal kar

Mujhe her Taraf mila hai

Phir ye konsa khula hai

Jo Teri zaat Se aa mila hai

Akhir Teri justaju ki kadiyan

Mujhe milti kyon nahi hain

Teri udasiyon ka ye raaz

Mujhe per khulta kyon nahi hai

Ye kaisi pashemaniyaan hain

Jo kinaron ko jodti rahi hain

Tu ek ittah samandar sa hai gehra

Mere aage peeche tera hi hai pehra

Phir kyon ye chahein mujhe chodhti nahi hain

Maan liya hai Maine tere dil ka kehna

Ab na koi zid hai na kuch hai kehna

Tujhe sab kuch patta hai

Meri ye deewangi gar khata hai

Mere hosh ko na saza de

Mujhe bas itna bata de

Aakhir ye Kya majira hai

ek sunehera saaya ho.....

Ek sunehera saaya ho
Ya tum meri kaaya ho
Ya phir koi moh maaya ho
Aakhir tum mere Kya ho

Ek sitar may tum ko paaya hai
Jaise koi bichda milne aaya hai
her aahat per ummid naii laaya hai
Mera haasil mera tu hi sarmaya hai

Kitne mosam aaye chale gaye
Ek tere khayaal dil se na gaye
kitne safar moqam badalte rahe
Mere qadam kahin tanha na gaye

Aisa Kya tha meri qismat may
Kya tha is meher ki baarish may
Bheeg kar ankh num kyon na hui
Jaise koi jwala tha Teri fitrat may

Loag jahaan may aate jaate hain

Apni beeti kahan jaan paate hain
Apni hi bheed may gum hojate hain

Nahaq apni pehchan ganwaate hain

Mere habeeb phir safar per hai zindagii..................

Mere habeeb phir safar per hai zindagi

Aaj ye moqam hai kal koi moqam ajnabi

Tu mahavir hai aur ye hai gardish meri

Tawaf-e-ishq nasib hota hai kabhi kabhi

samajh soch kar kehti hai aage aur kya

Dushman bujh leta hai chaalein nai nai

pachtaye jaan kar duniya ki keena perwari

tha aage kunwaan peeche thi khaii bhi

Manzar dhundlakon ki ote Se aaye they nazar

Paheliyaan bujhne ki dil ko fursat nahi rahi

Aqal per pada ho jub perda junun ka

bina ko bhi kisi nazaare ki zarurat nahi rahi

Ustaad ki chadi bhi yed-e-baiza lage jise

Us taalib ke yaqeen ko koi hajath nahi rahi

Teri yaad hai sukun.......

Teri yaad hai sukun teri yaad hai khushi

Mere hison ko roz,bedaar karta hai wahi

Kul kaainaat hai meri,hai mata-e-zindagi

Rabba,utri hai rafta rafta tere ishq ki wahee

Ghair kehta hai tu jise tere ashnaa hain sabhi

Unki nigaah se khaira khaira hain dil ajnabi

Dastaar-e-ishq bandh kar pesh kar diye dil kaii

Ab kis kis ko chahiye arzoo bana hai her koii

Teri yaad Se munawar,hai ye subah ye roshni

Her dum,dum dum may hai mera zikr bas yehi

Tauba ke raaste, hain saare waaste aur bandagi
Maangne se pehle niyaz,be-niyaz deta hai jaan bhi
Khoobi usi ki hai,bashar ki her khoobi may wahi
Insaan,insaan ka bojh uthaane ki karta na sayee
Ya khuda in uthe haathon ka muddua bas ek dua
apne bandon per kabhi,tung na karna apni zameen

ye khayaal hain ke rawan dawan.....................

 kyon na is waqt ke buraaq ko aaj moad lein

 is be-rang zindagi se koi naya rang nichod lein

 tere khayaal apne khayaal se kyon na joad lein

 ban jaayein khud kamand aur chaand toad lein

------------------------------------------------------------------

ye khayaal hain ke rawan dawan
ye ashk hain ke dhuan dhuan
na jaane kis ka ye malaal hai
na jaane kis ka ye khayaal hai
kabhi dil ki dil na sun saka
kabhi aur kuch na ban saka
kabhi kisi lamha na teher saka
kabhi Us se aage na guzar saka
aur ab na isko koii aas hai 
ab tak ek hi jazba khaas hai
maqdoor bhar uski nawazishein
pal pal mere khayaal ki guzarishein
koi aur khayaal kahan ban saka
us sa kamaal koi na kar saka
vo khayaal tapti huii ek lahar sa
vo jamaal bulandion per abar sa
ruwan ruwan may wahi to hai basa
ek usi ne tarasha hai khayali  kada
jisey koi tere siwa nahi sochta
usey bhala kisi aur se kya waasta
tujh per mujhe chahe laakh guman ho
mujh per tera yaqeen her zamaan ho
meri adna si ye iltija bas maan jaa
mere derd ka faqat tu hi hai aasraa
laakhon muddaee tere mai bhi ek hun
aah! kya tere khayaal ke nazdeek hun
chalo kabhi do pal ka mai bhi ezaaz thi
tere jalwon ke aage kya hua majaz thi
teri nazar-e-karam se mile dono jahaan
tere khayaal se roz jaati hai aati hai jaan
ek lamha aa nigah may ke phir deed ho
her shaam meraaj ho her subah edd ho

Ek pal ki inayet hai............

 Afkaar ki adat hai milna bikher jaana

 Roz kahin aana aa aa ke guzar jaana

 Insaan ki adat hai taqdeer Se lad jaana

 khasa-e-rahbar hai duaon may uter Jaana

 Rab ki rahmat hai duniya ne tujhe jaana 

 Ek pal ki inayet hai duniya ka badal jaana

 mushkil asan hai uski jo raaz khudi jaana

 Asman ke parinde ko laazim hai gir jaana

 Ek roz tamaashe ke perde ko hai uth jaana

 is khel ka matlab tum bhi samajh jaana

 kaam maseeha ka maseehai sikha jaana

 raah-e-khizar milna manzil ka hai paa jaana

Teri nazar se meri nazar ka.....................

teri nazar se meri nazar ka

haseen ehsasath ka safar hai

-----------------------------------

Tere nazuk labon ki nermi

Tere nerm ehsaas ki germi
Teri rukhsaaron ki ye laali
Teri nazar nazar matwaali
Jaise ho shahad ki koi pyali
Tujh per ek nigah jisne daali
Dil her ghum se hua khaali
Kitne nalaan they faaslon say
Hum bhule sabhi khushi say
koi gila raha na zindagi say
Tujhe paaya hai bandagi say
Tu gawah usi ka hai jaan meri
Uski pehchan se hai shaan teri
Tere wajud se khusbu usi ki aaye
Teri maa may usi ke hain saaye
us ke karam ki tu intiha hai
Tu hi haasil  tu hi muddua hai

Justaju asl adraak-e-zindagi hai....

Rooh ko qarar kyon nahi hai

Rooh jism Se juda to nahi hai

Khaak ki pazerai ki khuda ne

Hawa ka ye mizaj to nahi hai

Beqarar hai jaa-e-panah may 

Ke Mustaqal mizaj bhi nahi hai

Beshak dene waala jaanta hai

Justaju asl adraak-e-zindagi hai

Kami kahin na rakhi khuda ne

Sairi insaan ki fitrat may nahi hai

Guzaarta hai roz ek naye tajrube se

Zindagi dene wala aam to nahi hai

Jis ko bhi patta hai teher Gaya hai

Khuda uski zaat Se Gaya nahi hai

Aye adam beqarari besabab nahi hai

Teri talaash ko,vo ab tak mila nahi hai

mere sarkaar ke mai sadqe......................

aaye they adam se aakar adam ko chale gaye
tujhe na samajhne ka ghum le kar chale gaye
hans hans kar humari arzoo may jhankte rahe
hum apni deewangi ko arzoo karte chale gaye
ek maan tha ahad ka na they vo mahaz ishaare
hum sitaaron se apne nazar churaate chale gaye
her ek jalwe may chupa tha dulaar ka zakheera
madhoshiyon may moqadar ganwate chale gaye
aye kaash hosh ki ankhein hoteen samaatein bhi 
tu yehin tha mujh may tujhe dhundte chale gaye
her baat may khabar chupi thi aane waale kal ki
andekhe khwab saare haqeeqat bante chale gaye
mere sarkaar ke mai sadqe mujhe karliya gawara
paakar aapke astaan ka gauhar sanwarte chale gaye

inaayet

in shab-o-roz ki mai nazar hogaii hun
Duniya kya mai teri shikaar hogaii hun
sab chah waale aaye,chah kar chale gaye
mai teri chahton may ashkaar hogii hun
waqt ne cheen daale ankhon se ujaale
thaam kar tera daman, paar hogaii hun
teri karigari se seekhi,dilon ki dastkaari
teri inaayeton se mai sarshaar hogaii hun
chahe mujhe ye duniya jitna bhi azmaa le
un ki mohabbaton ki talabgaar hogaii hun
khahish hai sarphire ki, deewangi hai dil ki
de kar dil dil ko ye dil,dildaar hogaii hun
log khudnuma hain,dusron ka safar bhi karte
aaine se kar ke ulfat,uska kirdar hogaii hun
waqt ki nazar hai na zubaan hai, jo koi sun le
nadaan tumhaare azal ki mai pukaar hogai hun
shahon se azeemter hain mumtaz karne waale
tumhare is rukan ki mai parastar hogai hun

tere israar ka karam hai.............

tere israar ka karam hai
mera bolta ye qalam hai
ye fiza  bhi  aaj num hai
mosam ka mizaj gum hai
na jaane kis ka ghum hai
duniya guman waham hai
aqal azal se na-faham hai
ek  apni zaat hi sitam hai

Ek umr ganwa kar jaana ye .....

Khwab sunehre dekhe they

Ek umr ganwa kar jaana ye

Khwab jisey hum kehte they

usi ko duniya kehte hain

Ab tak jaari hai shoghal nindon ka

Ankh khuli to jaane kya hoga

Hosakta hai phir nind kabhi aaye na

Ankhon ko hawas hai jin jalwon ki

Unse phir nazar churaii jaaye na

Ek lafz fasana ban jaayega

Dil deewana ajab khel khilayega

Jaane kis kis ke aage jhukayega

Phir bhi haath kuch nahi aayega

Ye sabaq wahi hain Teri maktab ke

Jo samajh Gaya vo paar gaya

Jo na samjha uska Jeena bekaar Gaya