Jaam-e-Noor

Tasveer teri jub bhi
Nigahon may aagai
Ye khana-e-dil jaise
Baqa-e-noor hogaya
Jaise kahin koii shola
bujh kar tuur hogaya
kahin koii butt gira
gir kar chuur hogaya
mera wajud teri hasti
tu mera surur hogaya
jisne bhi nigah daali
vo mass-hoor hogaya

Saathi Puraana

Kahin kisi shehar may

Phir kisi ke ghar may

Koii hasrathon ka maara

Aaj mar gaya hoga

Dilon ke bhed saarey

Jaan lete hain sitaarey

khud apni hi chaal se

Koii dar gaya hoga

Ye do ankhen dekho

Kitne khwab dekhti hain

Kisi ka Insey guzar kar

waqt teher gaya hoga

Kahin nafs brahana hai

Kahin arzu sarghana hai

Asaan hai shikaar hona

Shikaar kar gaya hoga

Usey marghub chahten hain

be-bas ki shikayeten hain

Uska ab bhi wahi thikana

Wahin vo Phir gaya hoga

Her saans kasmakash hai

Ye bekhudi keh rahi hai

Ye be-sabab nahi hai

Koii dushman hosh ka hai

Koii hosh ab nahi hai

Diwana dil keh raha hai

Diwana ye kub nahi hai

Khird ka ab kya karoge

Khird gar sab nahi hai

Duniya se kya dil lagana

Duniya apni jub nahi hai

Kal khwaab ke siwa kya

Kal gar koi shab nahi hai

Her saans kasmakash hai

Her taraf tu jub nahi hai