koii Bazm-e-khayaal phir sajey

koii Bazm-e-khayaal phir sajey

Koii samaan-e-ghum tou ho

Koii justaju phir dil ki karey

koii ummid mubaham tou ho

koii sataaye phir aakar humen

koii derd phir kum tou ho

koii haasil-e-deewangi na nahi

koii sila mere humdam tou ho

koii shumaar akhtar kya kare

koii shab aisi sanam tou ho

koii junun jaage phir khwab se

koii aisa haseen sitam tou ho

koii ghadi zeest si bhi lage

koii lamha chaand karam tou ho

Tu Bhul Jaa ......

Tu bhul jaa humen magar

Bas itna yaad rakh

Teri saans saans pe kharz hai

Ek ek ghumkade ka dekh

Jo nadaan they kal talak

Unhen faham ki

manzilen bakhsh kar

ab keh raha hai tu

deewanon ka ye kaam hai

hosh walon ka ye

aadha adhura anjaam hai

jo raah pehchaan le

uska ye inaam hai

tujhe khabar nahi hai

aye dil-e-be-khabar

ye jo saath saath hai rahbar

ye koi aur hai nahi

teri rooh ka hai safar

na wassaton ki chah hai

na shauq perwaaz ka

bas muntazar hai dil

Aaqa ki awaaz ka

Tu jaanta hai tera safar

Waqt,daur,badle humsafar

Na tu dil badal saka

Badle raat din magar

Aaj bhi wahi

shauq-e-deedaar hai

Aaj bhi wahi

ishq ka beupaar hai

wahi kaif ka hai samaa

wahi madh-bhari shaam hai

dilon per sabt tera

wahi nasheela payam hai

tu salamat rahe

mere meherbaan

kya hua gar

mai hun neem-jaan

tera her qadam

dil per sahi

kuch tou mere paas hai

tu na sahi tera nishaan

Jo Hafeez-e-khayaal tha

Gir gaya vo qila

Jo Hafez-e-khayaal tha

Kho gaya vo khula

taalib-e-nazar tha jo kal

fizaon may ajib sa

bikhra hua malaal tha

haqeeqat thi khwab si

jaise musafir raat ka

jiska jaagna mohal tha

deewangi ne bhi kaha

zakhmon ki laaj rakh

uske pathar bhi phool

jiska chehra hilaal tha

maanga kiye jisey raat din

chaha duaon se azeez

laa-saani vo be-nazeer

aap apni misaal tha

jiska khayaal thi zindgi

mahaz ek khayal tha

vo tha her khayal may

yehi sab ka khayaal tha

azeez tha jaan ki tarha

jaan ki tarha nikal gaya

apne fun may dosto

vo saaheb-e-kamaal tha

chun liye maine sabhi

un lamhon ki kirchiyaan

phir bhi kahin reh gaya

chubta hua sawaal tha

sailaab tha derd ka

tha gerdab may yaqeen

dubte dubte bhi usey

nakhuda ka khayaal tha

Ye dhula dhula sa mosam

Ye dhula dhula sa mosam

Ye khile khile phool saare

Mujh se keh rahe hain

Aa phir bahaar kar le

Aa phir se pyaar kar le

peeche chut-ti ye ghadiaan

un sab ne bhi kaha hai

Bura kya tha guzarna

Hum Agar baar baar aate

Umr ke unhi raaston per

Baar baar tumhen sataate

Aaj phir manus sa vo mosam

Kyon dil may khil raha hai

Maano barson ka koi bichda

Phir gale mil raha hai

Intizaar ki vo galiyaan

In khubsurat mosamon se

Abaad hojaana chahti hain

phir ummid ka vo mosam

khud may jagana chahti hain

zindgi ne dekha jo majra ye

muskura ke vo bhi boli

mai phir na aane waali

ab jo tum se beechdi

phir na samaane waali

ab jub ke mosamon ne

awaaz mujh ko di hai

maine bhi dast-e-qudrat

thaamne ki thaan li hai

is saal haathon may mere

tera haath le ke

bas mar jaana chahti hun

aye jaan-e-jaan teri ho ke

yehaan se jaana chahti hun

gar tu ne bhi suni hon

mosam ki yeh sadaayen

tera paigham paana chahti hain

ye mehaki mehaki hawaayen

ab na sunengi ,kaha hai

ye koii naya bahana

ho ke mosamon may shaamil

aa mil jaa jaan-e-jaanan