Riwayeton se hut kar
Riwajon may simat kar
Reh gaii hai dekho
Ek rutt mohabbat ki
Jo thi hikayeton may
Chupi thi shikayeton may
Tasht-az-baam hogai hai
Ek rutt mohabbat ki
Ab in mosamon may
Koi junun nahi hai
Haqeeqat aashna hai
Ek rutt mohabbat ki
Shab ki ghaflaton may
Na Khwab na khatta hai
Ab ke dhuli dhuli hai
Ek rutt mohabbat ki
Meelon ki khamoshi may
Raastey badal badal kar
Guft-o-shaneed per hai maayel
Ek rutt mohabbat ki
Uski atta nahi tou kya hai
chahaten meri chahaton ko
Mujh ko de raha hai
Ek rutt mohabbat ki
Baarha serd tanhaion may
Libada meri be-kasi ka
sajaaye uski ranjishon se
Ek rutt mohabbat ki
Jaane kyon yaqeen hai
chahe zamaane badlen
Kabhi na badal sakegi
Ek rutt mohabbat ki
