Chaand Mera.........Daanish.....

Mera chaand hai kisi aur asmaan may

Andhera sa hai mere donon jahaan may

Na hai koi hulchal mere jism-o-jaan may

Ajab khamoshi hai is tanha makaan may

Rahe shaad mera gul apne gulsitaan may

Sada khuda rakhe tujhe apni amaan may

Ye rishta mehek utha hai teri zubaan may

Zikr tera jud gaya hai meri daastaan may

Lamha lamha tu mera hai her zamaan may

jaan Mai hamesha rahungi tere bayaan may

Mera hi lams paayega tu apni maan may

Mai tujh ko milungi tere baba ki jaan may

zindgi na haath aaye tou..............

kahin naghma-e-hayaath hai
kahin ulti huii bisaath hai
zindgi na haath aaye tou
samjho zindgi ki maat hai
dilon ki na baat tum karo
zehnon ko apne bandh karo
qila ummid ka gira bhi do
ab kuch na tumhare haath hai
vud rahi hain dhajiyan yaqeen ki
etmaad jabaja hai bikhra hua
habib ban gaya raqeeb hai
koi na ab tumhaare saath hai
hasrathon ne chola badal liya
be basi apni manzil say ja mili
ansuon ka bojh bhi uter gaya
ab ye numi bhi khairaath hai
jo paas tha waqt ki nazar hua
qadmon say chuti kub ki zameen
ab is manzil ki koii raah hi nahi
ye apne apne moqadar ki baat hai

Shaadi Mubarak

In phuulon ki ladion may

Ye jo haseen chehra hai

Aji ye chaand hamara hai

Hum ne tumhare angan may

Aaj Bade pyar say utara hai

apni ummidon ke gulshan ka

Ye gul aaj say tumhaara hai

Ye rishta hai ulfat ka ulfat say

Ye rishta her rishte se pyara hai

is rishtey may poshida rehmat hai

ye moqadar khuda ka ishaara hai

Mubarak ye khushi tumko Abdullah

Salma Tumhari qismat ka sitara hai

Ye bidaii wahi rishtey le ke aai hai

tumne naye naamon say pukara hai

Dua hai her dil may tum ghar karlo

Ab unki ulfat hi ghar tumhaara hai

mai tujhe na paa sakun tou kya

mai tujhe na paa sakun tou kya
teri dastaras may magar hun mai
tu dikhaaye tewar duniya ko aur
tere afaal say ba-khabar hun mai
haan maine kabhi tujhe suna nahi
faqat tere ehsas ka safar hun mai
jisey ek nazar may tune padh liya
wahi daastaan mokhtasar hun mai
samjhata raha zindagi jo umr bhar

us shah Nawaaz ki meher hun mai

Deewane ka khwaab

ek saudagar tha khwabon ka

vo dhunda karta tha aankhen

dekha jub deewane ka khwab

vo bhul gaya apni saari baaten

lamha bhar hi raha roshan jugnu

phir wahi andhera wahi raaten

taqdeer badalne ka kar ke wada

le gaya un say un ki saughaaten

kal jo bunnd ko tarsa karti theen

aaj wahaan hain kitni barsaaten

ye lafzon ki tejarat karne waale

kya samjhenge waqt ki ghaaten