Ye Dhundleke............

Ye dhundleke aaj ache lagey

Ye rang acha hua dekha nahi

Yaad kaun us pal ko karey

Jis pal nay humko chaha nahi

Aye Zamaan Tu Vo Nahi

Aye hawa tu hai wahi

Aye fiza mai hun wahi

Aye zamaan tu vo nahi

Kal tu shajar saayadar tha

Kal tu mosam-e-pur bahar tha

Kal tera haseen karobar tha

Aaj bhi hai wahi zameen

Aaj bhi hai wahi asmaan

Haan vo dhundta hai mujhe

Mai kahan hun in ke darmyaan

Kal talak jis hasti ka maan tha

Kal talak jo jazba meri jaan tha

Aaj ki in surkhiyon ka elaan tha

Aaj ki tarha kal bhi mehmaan tha

Waqt her lamhe ki pehchaan tha

Phir Ramzan Aaya Hai

Phir Ramzan aaya hai

Ek naya armaan laaya hai

Kal talak jo na ban paaya

Vo kaamil imaan laaya hai

Zara socho waqt ye aakhir

Baar baar bedaar karta hai

Kyon Soii qismat jagaane ko

naya daras tayaar karta hai

tumhen ho na ho bando

khuda ko tumse mohabbat hai

tum per karam jub jub ho

usi mohabbat ki badaulat hai

hai ye kaisi madhoshi

ye nasha duniya ka kya hai

tum jaante ho deewano

mohabbat khud ek nasha hai

aao mohabbat ki hi khaatir

mohabbat ka sajda ada hojaaye

is maah rab ki qurbaton ka

her deewana maza paaye

wahi raasta hai ibaadat hai

manzil wahi pehlu-e-qudrat hai

soch ka ek lamha ghanimat hai

khuda ke siwa kya haqeeqat hai

dil bandha sada rishton may

insaan butta sada qiston may

khaas tha adam farishton may

insaan samjha na nishton may

mai ne dekhi hai raah junnat ki

kiaise milti hai manzuri minnat ki

mohabbat ke maaron se mohabbat ki

khuda ne qaayem unki khatir junnat ki

aao hum apni duniya saja daalen

apne amal ko junnat bana daalen

ek ba-mohabbat zindgi ki bina daalen

aao her daagh dil ka mitaa daalen

Ya-rab ye kaunsi manzil hai

Ya-rab ye kaunsi manzil hai

Khayaal kahin,kahin dil hai

Ek shehar, jo kabhi apna tha

Ab yaadon may shaamil hai

Koi zameen kahan chunta hai

bas hasti ka apni qaayel hai

Khwab hosh ke dushman hain

Khird phir bhi unper maayel hai

Kya farq emaarat aur be-dar ka

Terey aage her koii saayel hai

Mumtaaz jo insaan ko karti hai

vo shaye kuch aur nahi dil hai

chund lamhe jo haath aaye hain

yehi samjho tou mataa-e-kul hai

ek aansu jo kisi ka chun lo tum

barzaq per bhaari vo jhilmil hai

her aankh ummid ka markaz hai

ek qadam ki doori per saahil hai

her honi ka waqt muayeen hai

chaand phir kyon tu be-kal hai

Na koi sawaal tum karo

Na koi sawaal tum karo

Ke jawaab ki ho mujhe justaju

Tumhari shukhion se kaho

Meri khamoshi meri aabru

Sadion ka zabt tod kar

Meri tanhaion ko mod kar

Ek Talluq naya jod kar

Chaldiye tum bhi chod kar

Dil ko yehi zid rahi

Ke tum sa koii nahi

duniya laakh kehti rahi

ke tum tum hi nahi

tumhare safar ka samaan huii

mai ek puul hi rahi

musafir aaya aur guzar gaya

puul kub safar kar saka

kahin ek khayaal khaam tha

kahin ek adhuri shaam thi

kahin ek nooha aam tha

tumhari be-rukhi ki qasam

kahaan bhule hain hum

phuul aur mahak tum le gaye

khaar seeney may liye phirtey hain hum

aankhon ko aaj bhi

jaane kis jalwe ka intizaar hai

jo manzar aam tha

fareb-e-nazar ka khumaar hai

haqeeqat kahti hai mai aur hun

saamne saraab hai aur mai door hun

imaan kehta hai baa-khuda

mai usi ke dam se mashoor hun

Teri surmaii aankhen kehti hain

Teri surmaii aankhen kehti hain

khushian tujh may rehti hain

tera bholapan ek jaadu hai

vasal ki ghadiyaan kehti hain

teri saadgi ka ye aalam hai

jaise koii shaam jaam huii jaati hai

teri guftaar ki nermi kya kahiye

jaise koii naat sunaii deti hai

sartaapa karam ka paikar tu

qaabil-e-karam karde milkar tu

teri sohbat ka ye jaadu hai

apna ab dil per qaabu hai

derd derd may tu rehta hai

ghum mera, tera kehta hai

shaam-o-sawere tere paharey

kisi mod per ab dil na teherey

jub tanhaii had se badh jaati hai

chupke se teri khushbu aati hai

andhera jub gehera hojtata hai

teri yaad roshan ho jaati hai

ab meelon meelon sunnatta hai

laikin teri awaaz mujh tak aati hai

Sehemi sehemi shaamen hain

sehemi sehemi shaamen hain

kaise ujde ujde din hain

pathjhad ke mosam hain

gulshan ke apne ghum hain

wahi din saal sadiyan hain

sawaal karti nadiyaan hain

sehra sehra behti hain

najaane kya kehti hain

kinaaron ka muh taktey

khamosh saahil darya hain

pedon ki ujdi shaakhen jaise

beghar panchi ka girya hain

badal bhi chup rehte hain

derd Saba ke sehte hain

Duniya ek fasaana hai

manzar saarey kehte hain

Her taraf khubsurat

Her taraf khubsurat

Mili roz ek junnat

Zindgi kehti rahi hai

mai hun khubsurat

Phir ye aag si

Kahaan lagi hai

Ye rooh aaj tak

Kyon sulag rahi hai

iradon ka endhan

wafaon ka bandhan

Kahaan liye jaraha hai

Nazar kuch nahi aa-raha hai

Ek-tarfa nibaah hai

Dusri ore mera khuda hai

Darmyan mohabbaton ke

Saayon sa faasla hai

Hum na milenge

Taqdeer ka faisla hai

Ek jism hai haqeeqat

Dooja gumaan khubsurat

Magar ye dil sa kya hai

kyon ye judda hai

jaise kaanton may lipte

kisi phuul ki sada hai

yehi meri panaah hai

yehin mera khuda hai