Vo aksar apne honey ka.................

vo  aksar  apne  honey  ka
yon ehsaas dilaaya karta hai
mere sooney raat aur din may
apni shaam milaaya karta hai
jub ghaafil ho jaaun  khud say
ek  zakham rulaaya  karta hai
zabt  ka  alaam  hota hai  kya
zabt us ka batlaaya  karta  hai
ek qareena  hai us ki  ulfat  ka
her  derd  bhulaaya  karta  hai

ajab meethaas hai is khayaal ki

ajab meethaas hai is khayaal ki
hai  khabar usey  mere  haal  ki
gul  hi gul khile  hain her  taraf
madah-sarahi hai us be-misal ki
khair-o-sharr ka hai wahi aaina
jaise koi kiran aqa ke jamaal ki
ehtmam izhaar ka kehta hai yehi
rang laa rahi hai rangat malaal ki
khayal muskura utha is khayal say
hain ye hikayeten uske khayaal ki

Vo raqs junun jo kar na saka..................

ye khwaab nahi hai maano tou
ye paaun wahi hain dekho tou
vo raqs junun jo kar na saka
ek qadam thi ishq ki manzi bhi
per kya kijiye is paagalpan ka
jo pal may kisi ka ho na saka
sau baar dhadakte dil ne kaha
ho na ho yehi hai khwaab tera
jasarath phir bhi khamosh rahi
Akhir is dil ne kya kya na saha
per itne barson may zaalim ka
her  lamha  ek  paighaam raha
khud baaz raha mulaqaton say
us derd ne mera her derd saha
vo jaanta tha,ye ek bachpan hai
jo pyaara tha us say pyaar hua
ilzaam sabhi us ne sar apne liye
kahin apna baaqi kuch na rakha
dil usi ko  maange, muraad nahi
vo ek payaala laakhon may bata

Gar ye rabt tuut gaya phir say...............

koi dum chatne waali hai

dekh teri ghum ki shaam

kyon hirasaan hai tera dil

ye lamha hai ek paigham

teri khamoshi bhi thi tohfa

tera shor bhi hai ab inaam

muft kiye they saude ab tak

ab her riya ke honge daam

gar ye rabt tut gaya phir say

koii bhi dore na aayegi kaam

dekhi junun ne jub qismat apni

dum tod diya lekar tera naam

Kya chahta hai Aakhir

mere zehen-o-dil ke
parakhche uda kar
mere hi haathon mujh ko
zandaan may chunwa kar
siskion ka haq bhi china
mujh per ulfat luta kar
rab mera dekh mujh say
kya chahta hai aakhir