ek korey kaghaz per

Jub humen derd
sataaya karte they
Jub ghum se
maare maare phirte they
jub apne garebaan
chaak chaak rehtey they
jub tanha tanha
aahen bharte they
tab koii kaanon may
aa aa kar kehta tha
kuch haath nahi aane waala
tu khaali ghar may rehta tha
ek korey kaghaz per
lafzon ko zaaya nahi karte
lifafon may dil nahi rehte
mohabbat ko marz nahi kehte
derd nishaan they manzil ke
ek kasoti ulfat thi
Aansu tohfa they jazbon ka
meher-o-wafa ki shert hi
insaan ko kaamil karti thi
ye daur sabhi ko nahi milte
ye raaz sabhi per nahi khulte

Kahin koi gul nahi hai

Ajab hai ye mosam

Kahin koi gul nahi hai

Na kahin koi koyel

Bahaar se mil rahi hai

hai sakut be-sabaati

hai shor be-hijaabi

hai Hersu khana kharabi

Ab zad pe sitam ke

Tegh hain pareshaan

Ab shaanon pe unke

Sar lamhon ke mehmaan

Yehan her koi khuda hai

Kaun rahega baaqi

Inhi ke haath faisla hai

Hairathon se keh do

Ye bhi karbala hai

Aal-e-karam se qaayem

Sunnaton ka silsila hai

Junnat khushi nahi hai

Insaniyet ki khatir

haar may chupi hai

ilzaam lo apne sar pe

parcham wafa ke

lehrao apne ghar pe

ab na jhukenge

ye ghair ke dar pe

ye zameen se asman tak

saara mera watan hai

her pyaar karne waala

mera hum-watan hai

kaisi ye jung chidi hai

mohabbat sab se badi hai

zindgani ghadi do ghadi hai

thaam lo girte hauslon ko

samet lo bikharte palon ko

in may apne rang bhardo

javidaan mohabbat apni kardo

Raah-e-Faham

Aye mere khuda Tera shukriya

Ye derd hain Mere hosh ki dawa

Teri hikmaten wahi Admi jaanta nahi

apni raah-e-behetari Pehchanta nahi

Arzu kuch bhi nahi Ek perde ke siwa

Gar uth gaya Mil jaayega khuda

Kal, sogawaar tha ,Aaj, ek taaza hawa

Khamoshio kuch kaho Tumhen kya hua

Gar dagmagaoge Manzil kaise paaoge

Hum-raahi phir haan oob jaayega

Gar qadam dar qadam Naii chot khaoge

Zabt ke abhi Dene hain imtihaan

Abhi na-gurez hain,Kal honge meherbaan

Aye dil sanbhal Yon na machal

Tera makin Kahin aur hi sahi

Tu usme hi maujud hai kahin

sun Ye khud-faramoshi teri

Faramosh us se Na hosakegi kabhi

sadaon may rahegi ,Sada rahegi tu

Uske labon per Ban kar dua koi

Tauba

Humse khata huii hai

Be-shak sazaa mili hai

khuda ne yehi kaha hai

tauba mera hi raasta hai

shakista dilon ka mujhse

baraah-e-raast waasta hai

be-aasra ko karle miskin

be-parwa ko karde muhsin

uske siwa koi kya hai

baatin may rah raha hai

derd derd may chupa hai

her marz ki dawa hai

khaar ki tarha chub raha hai

gul ki paanah aur kya hai

faasiq ko miljaye furqan

gumraah ko dede quraan

wahi raheem hai rahmaan

mujh per uski atta hai

vo jaanta her khata hai

wahi mera khuda hai

phir khaaki ka imtihaan hai

phir bismil neem-jaan hai

phir waqt hukmaraan hai

phir kaun uske siwa hai

wahi dil ka muddua hai

wahi aaj bhi dua hai