Mujh se poochta hai vo

Mujh se poochta hai vo

Mai yaad hun ke nahi

Mai ne kaha hi nahi

Ek uske siwa Mujhe

kuch bhi yaad hi nahi

ye jo irdgird ke

manzar hain sabhi

ye saare lagte they

mere liye kabhi

aaj jaane kyon

mai inke liye

lagti hun ajnabii

mere kirdar ka

ek naya dhula hua

rukh hai uska diya

phir poochta hai vo

meri yaadon ka kya hua

charagh ban gayeen

saari baaten uski kahi

un zard mosamon ki

duniya badal gaii

sab jaanta hai vo

jo chahta hai vo

uski raahon per mujhe

lejaana chahta hai vo

un bolti ankhon ki qasam

mai rakhungi unka bharam

chund lamhe zindgi ke abhi

amanat hain ferz ke

bas teher jaao zara

utar dun lamhe qarz ke

awaz de rahi hain

khamoshiaan teri

yaad aarahi hain

vo serghosiyaan teri

us neechi nigah may

dabe dabe ahkaam they

un junbishon may chupe

kitne paighaam they

un khamoshion may chupe

kitne haseen raaz they

wahi tou meri zeest ka

ek naya aaghaz they

aa dekh aake zara

kitni khamosh hun

mai samne bhi hun

aur ruposh hun

aye meri rooh

vo kitna khaas hai

mai nahi tou kya

tu uske paas hai

Aap ne pukaar kar.......

Ye karam hai aapka
Mujhe apna bana liya
Pathar thi raaste ka mai
Apne Daman may saja liya
Mai Gum thi kal talak
Duniya ki bheed may
Aap ne pukaar kar
Apna saayel bana liya
Thi Mai tahi-dast gada-gar
Pahunch kar dar pe aapke
Kya kya na paa liya
Duniya sada thi pareshaan
Hairaan Bhatki kahaan kahan
Astaane may aap ke
Maine khud ko paa liya
mehafil thi aap ki
raaz-e-ibaadat ki ek kadi
dil-e-beqarar ne faqat
mohabbat ki aag may
khud ko jala liya
khahishon ka bhala
kya kaam hai wahaan
jisne ku-e-yaar may
dil se dil mila liya
rahbar ne kaha tha
faqat dil per rakh nazar
dekh na idher
khud mila kar nazar
aapne apna bana liya
haasil-e-zindgi baat-ti rahi
aap ka diya luta-ti rahi
khud ko lut-ta dekh kar
aapne darya badha liya
sarkaar aapko hai qasam
rakh lijiye deewani ka bharam
vo saayel aur jaaye kahaan
kashkol aapka jisne paa liya

Maine dekha hai

Kya hua

meri Mohabbat

gar hai qatra

Isey saath tumhare milkar

Ban jaana hai darya

Maine dekha hai

Subah-o-shaam ka taghayur bhi

Isey na rok paaya hai

Ye tou saare bandh tod kar

Mere seene may darr aaya hai

Vo saari nafraten bhi najane

Kyon nakaam hogayeen

shararaten tanbeeh ki bhi

Mujh per tamaam hogayeen

Phir bhi her ehsaas kehta hai

Ke zindgi ki tarha

Jo tujh may rehta hai

Vo haqeeqqat se qareeb hai kitna

Vo khayaal hai ya fitna

Jo bhi ho ab tou

Dil haar baithi hun

Usey paane ki khaatir

Kitni jungen haar baithi hun

Uljha hua usey dekha

Jahaan dekha usey dekha

Inhi uljhanon may uljha kar

Vo takta raha mujhko

Ke ab ye dil deewana

Najane kya gul khilayega

Kya ye phir kahin

Kisi hijr ka fareb khayega

Vo kya jaane Kashaf saare

Ek sawal ke maare

Beqarar ho uthey

Ayaan hone ko bechaare

Magar ye zid thi dil ki

Ye jo dhoka hai

Ek aur daras ka mauqa hai

Kyon na phir is ko

Azmaaya jaaye

nafs ka tou pesha hai

Girey aur sanbhal jaaye

Jin raaston se vo

Ishq haath aaya

Wahaan tak usi ne tou

Taalib ko pahunchaya

Vo talabju hi kya

Jo chot na khaaye

Vo ishq hi kya

Jo aasaani se haath aaye

Ye tou meraaj waale ki

Dast-e-kibriyaii ka

Ek purisrar bahana hai

Ek aam bande ko

Raah-e-ishq ke zariye

Amal ki raahon per

Le ke jaana hai

Jub sir samjh may aajaye

Bas itna jaan lijiye

Abad ahad ka hojaaye

Madina Mujhe Bhi Hai Aana

Mere Mustafa madina mujhe bhi hai aana

Aapke qadmon se lipat kar haal-e-dil hai sunana

Bedar ko ek baar apne dar pe bulana

Mera shauq-e-deedaar hi jeene ka bahana

Aapki yaad lekar kahaan kahaan na pahunchi

Aapke aashiqon ka dar aapka dar hi jaana

Aap ne ummati keh kar jub bhi pukara

Ummati ka laazim hai donon jahaan bhul jaana

Aap ki duaon ka sadqa hai ye zeest apni

Aap ke dam se raaz-e-imaan humne jaana

Darud aapka waqt-e-aakhir ho zubaan pe

Madine ki musht-e-khaak se qabar hai sajana

hogi ummid puri hai yaqeen mehbub mere

Saath her haal may aapko hai nibhana

Jub se Mustafa aap mere dil may samaaye

Ek siwa aapke duniya lagi hai fasana

Her tassaur ne dekhi hai aapki hi surat

Her surat may khuda ka hi raaz jaana

mai kahaan jaanti thi meri hasti ka maqsad

aapke hi sadqe,khuda chahta hai batana

jub se mili rahbar ki nigaah-e-karam hai

lagta hai Madina mere Aaqa koocha-e-janaan

Huzur

Huzur apne karam ke qaabil

humen bhi kar do

Apni si mohabbat

hamare dilon may bhi bhar do

Khuda milta ho jahaan wahaan ki

humen bhi khabar do

Aapki dastgiri hojaye haasil

humen vo dar do

Sar-e-aam jalwagar hojaye ishq

humen vo nazar do

mohabbat hojaye hamari kaamil

humen vo meher do

Hojaaye roshan apni hasti

humen vo safar do

jahan barse aapki rahamat

humen vo rahguzar do

Ek ek lamha ho ibadat ,

humen vo sehar do

Mohabbat khuda ho khuda mohabbat ,

humen vo abu-bakar do

Amal ishq aapka jo paaye

humen vo umr do

Jo aapka patta de ,

humen vo shareek-e-safar do

Siraat-e-mustaqeem per jo chalaaye,

humen vo zer-o-zabar do

Maqsud muraad jahaan paaye

humen vo nagar do

Sohbat jinki faiz ho aapka

humen vo khairul-bashar do

Aapke noor se ho roshan,

humen vo ghar do

Aaj Ka Insaan

Ye shor kaisa hai

Ye kya qayamat hai

Ye khoon kaisa hai

Jo be-rang lagta hai

Insaan jub insaan ko

Deney pe aata hai

Kya kya dekhiye saaheb

Deta jaata hai

Ulfat ke perde may

Nafrat ka chakhu hai

Humderd ban kar

Milta halaaku hai

Ab kaise koi apna

Imaan bachayega

Bhaii ban kar jub

Bhaii ko kaat khaayega

Ye bhuk ajab dekhi

Ye pyaas lahu maange

Murda dilon se

Koii aur kya maange

Suna tha faisle saare

Munsif hi karta hai

ab faislon ka haq

sangdil bhi rakhta hai

machinon ka zamaana hai

insaanon ke jimson may

jo kal purze hain

inhi koii aur chalata hai

insaan ye chaalen

kahaan jaan paata hai

ek apne siwa

sab kuch bhul jaata hai

kabhi yon bhi hota hai

khud ko tak bhul jaata hai

aankhon may sapna hai

jahaan koii na apna hai

tarkash takhayul hai

aasmaan nishana hai

jub safar door ka tehra

phir ghum kya hai

kya kya chod jaana hai

aaj ke insaan

shikaar sikkon ke

aaj ke insaan

majboor dukhon se

baghawat pe hi jub

baat hai tehri

nafs ka baaghi

kyon na ho dehri

zara socho aakhir

maut ko tou aana hai

aaye huye ko ekdin

laut kar bhi jaana hai

maut se pehle

saza-e-maut se kya haasil

zee-rooh ho bani-nu tum

kyon bante ho tum qaatil

meri maano agar saathi

tum diya bano

aur mai baati

umr gar guzar jaaye

phir wapes nahi aati

tum apna safar dedo

aur mera qalam lelo

mai tum bin adhuri hun

tumhare liye zaruri hun

aao mil kar naya

ek jahaan banayenge

aao sab miljul kar

mohabbat ke geet gaayenge

khuda se kiya hua waada

pura kar ke jaayenge

insaaniyet ka sabaq awal

apni naslon ko sunayenge

-->

Ajab duniya ka

-->

Ajab duniya ka chalan dekha

Jisey dekha Khud may magan dekha

Tassaur ne jub bhi Aankh kholi

Jabaja khahishon ka Rangeen pairahan dekha

Hujum-e-dostaan tha Bikhre rishte bhi

zameen thi hersu kahaan watan dekha

jinhen gila hai doori ka gale lagne ki na fursat thi

kal aur aaj se guzra  waqfa be-watan dekha

na-samajh zamaane ne mulkon se mohabbat ki

sada qaumon se wabasta riwajon ka chalan dekha

insaan kyon insaan se kabhi jud nahi paaya

deewaar sada dekhi na shauq-e-milan dekha

duniya se dil lagane ki sazaa yehi paaii

haath malti bad-nasibi ka ujda chaman dekha

sadion se pashemaan wahi armaan hai

khwab bahut dekhe kyon na darpan dekha

-->

duniya sada tamashaii jub mili usey binaii

faham ki raahon per chaand ko ba-sukhan dekha

-->