Haqeeqat khayaal ki jub jaan lo
Zahmat khayaal ko na diya karo
Khayaal tou phir khayaal hain
koii malaal inka na kiya karo
Ye umar ka ibtidaii libaas hain
Inhen umar-bhar na siya karo
Ye be-sabaat zindgi ka khwab hain
Haqeeqaton ki tarha na jiya karo
Rang bikherney ki ho gar aarzu
Canvas haathon may liya karo
Derd ka safar ujlaton may na ho
Apne ansu araam sey piya karo
sang dil sehraiion ka jahaan ye
tum inka maatam na kiya karo
gaye dinon ki baaten bhi gayeen
unhen phir awaaz na diya karo
phulon ki sairgaah hain khayaal
tum in ki khushbu na liya karo
No comments:
Post a Comment