raaste tou hain magar hausla nahi
tamaam umar ka ye tou sila nahi
ab manzilon ko bhi koii gila nahi
safar,safar hi nahi jise tu mila nahi
-------------------------------------------------
qadam tou hain magar humqadam nahi
humkhayaal bhi nahi humdum bhi nahi
her derd hai gawah ghum ka ghum nahi
is veeran buutkadey may koi sanam nahi
-----------------------------------------------------
chalo khamoshi ki hum zubaan hone lage
ab duniya ke saare sach bayaan hone lage
israar ishq ke is mode per ayaan hone lage
tab aata hai waqt ye koi dastaan hone lage
--------------------------------------------------------
shukur hai khuda dekhli humne teri ada
adam ke dum may tu hi tu deta hai sada
haq dil ka bhedh hai dil hai khana-e-khuda
jo khud se bichad gaya tujh se bhi hua juda
----------------------------------------------------------
zindagi tujhe mera khayal kyon nahi
sochta hai dil is ka malaal kyon nahi
bazyaabi per wajud nihaal kyon nahi
tere husn-o-ishq ko zawaal kyon nahi
-------------------------------------------------------------
No comments:
Post a Comment