Haqeeqat

ek roz yon hua

khuda udaas tha

mohabbat asmaan ne ki

malayekon ne rab kaha

bhishtion ne sab kaha

phir ye tha kaunsa khula

kya chahiye takmil ke liye

kise dhundta hun mai

kya chahta hun mai

Noor ne muskura ke kaha

aaina chahta hun mai

tujhe paana chahta hun mai

khuda ko baat ye aai pasand

Noor takhliq ke liye hua razamand

Asmaan ke roub ne kaha

Rab hoga kis pe fida

Rab ko inkisaar tha pasand

Zameen se zarrat liye chund

Apne noor ko shaamil usme kiya

Yon zahur mehbub ka hua

Mohabbat naam uska rakha

Apni hi noor ka

khud deewana hua

Mohabbat azal se

Khudaaii may maujud thi

Ban kar Mehbub-e-do-jahaan

Duniya may jalwagar huii

Yon akseer-e-mohabbat

Bande ki Charagarh huii

Mehbub ki khatir

Adam aur Duniya bane

Mehbub ki khatir

Rab ne deen-o-dil chune

Mohabbat ka sila

Gar mehbub maangte

Uski rehmaton ka raaz

kaise pehchaante

Saare jalwe usi ki

Zaat ka Jamaal hain

Saari hikmaten Usi ki

wasaf ka kamal hain

Khud apne noor ko

Usne mehbub kar dia

Khud apni haqeeqat ko

Ser basajood kar dia

Samjhni ho agar

Raah-e-mohabbat tumhi

qaliq ke qurb ki

raah chunni hogi humen

tu paalega usey

apne hi amal may

Vo milta hai sab ko

mohabbat ki shakal may

Mohabbat ki haqeeqat

Bas itni hai dosto

Mohabbat bhi hai

Ek ibadat hi dosto