Mohabbat

Aye zindgi

Gar unwaan tera

Mohabbat hi hota

Na duniya may aate aate

Koii zeeh rooh rota

Gar waqi tu

Khubsurat hi hoti

Raat udasion pe apne

Yon phut phut na roti

Gar tu sunehra khwab hoti

Koii ankh phir na soti

Mohabbat mohabbat

kya jaan paya hai koi

aakhir in jazbon may

rakha hai kya

ghum-e zindgi ka

ek aur nasha

ek aur maza

warna ye ilzaam

kis per lagate

khaali haat aaye

khali haath jaate

gar waqi mohabbat

hoti jahaan may

ye be-kali si na hoti

kisi dil-e-badgumaan may

kahin koii soch

fursat bhi paa le

shaayed usey mohabbat ka

ghum hi maar daale

gar ho tou musibat

na ho tou musibat

tanha raha bhi na jaaye

tanhaiion may bhi milaaye

ke inhi tanhaion ne

samjhaii mohabbat

inhi tanhaion se

ki hai mohabbat

mohabbat kya hai

ek haseen tassaur

rang is may bhare hai

khud deewana mussavar

takhliq pe khud apni

gar nazaan hoga

ye jazba mere yaar

sirf ek gumaan hoga

mai chahti hun

ek baar mujh se

mohabbat mile bhi

sirf mohabbaton ki tarha

mujhe jaan le bhi

mai jaan lungi

pehchaan lungi

mai paigham lungi

mohabbat ko paighaam dungi