matlab ki baat hum ko samjha gaya hai vo
la-makaan ko khaali makan ki zeenat bana gaya
kya patta phir apna patta badal gaya hai vo
ghair kaise kahun usey jisney apna mila diya
ek butt-kadey ko yon kaaba bana gaya hai vo
shaam-o-sehar se bekhabar ko ban ke rahbar
soye dilon ko jaagne ki wajah de gaya hai vo
yon tou tayyar hain azal say adam ke liye sabhi
is kathin safar ko mazeed asaan kar gaya hai vo
tassawur tareekiyon ka jub bhi sataaya kiya humen
chupke say yaad aa kar charaghaan kar gaya hai vo
jaane mehefil may uski ab ke kya hongi raunaqen
ek shamma hamare dilon may bhi jala kar gaya hai vo
No comments:
Post a Comment