kya waqi kabhi koi.....

 

kya waqi kabhi koi aisa lamha mila humein

ya zindagi khwab   may   tujhe  dil ji   ke aagaya

 in dhadkanon ki raagni  aur  koi  gunguna gaya

ya   mahaz khayaal ki tarang  hum ko suna gaya

jo bhi tha   be-shak usey hamaara khayaal tha

vo apni muskurahaton may raaz ye chupa gaya

azad hogaye dil-o-jaan sadiyon ki is ghutan say

ke zindagi may kub kahan kaun hum ko rula gaya

ek umar ganwa kar  huye  haqeeqat se rushanaas

is musalsal zadh-o-kob   ko rab ki hikmat kaha gaya

asal se mulaqat sabar talab waqt ke hath tul ti rahi

hosh ne kaha lo saza-o-jaza ka waqt  qareeb aa gaya

tu mila le khud se nazar  roz-e-meheshar se peshter

aye aaine  bata kahan kahan tu khud se maat kha gaya

Pyaari Ayesha .

دعا

 Shaadi Mubarak ho tumhein Ayesha aur Omar

Duavon ke Phul hain hai khushiyon ki rahguzar

Milengi Zindagi may tumhein jitni bhi fursatein

In haseen palon ko rakhna tum jod jod kar

Ye saaheb e nabz  hote hain badey mamla faham

In ki nabz kabhi na dekhna tum tatol kar 

umar ki muskurahaton say zindagi apni sanwarna 

Ek dusre ke hum qadam rahna tum dono umarbhar

Suneheri hurfon may likhey waqt tumhari daastaan 

Tum Mohabbat ek dusrey ki rakhna yunhi odh kar

Her ankh hai khushi her dil hai yehan bheega hua

Ye saare rang ley jaogi tum hum ko chod kar 

Phir bhi meri jaan maa baap ki hai arzoo yehi

Tum khushi say qadam rakho zindagi ke is naye mode per

-----------------------------------------------------------------------------

شادی  مبارک   ہو تمھیں  عایشہ  اور  عمر  

دعاؤں  کے  پھول ہیں ،ہے خوشیوں کی رہگزر  

ملینگی  تمھیں   زندگی   میں ، جتنی  بھی  فرصتیں 

ان حسین   پلوں  کو   رکھنا ،  تم   جوڑ   جوڑ   کر 

یہ  صاحب  نبض ، ہوتے  ہیں  بڑے  معاملہ فہم 

ان  کی  نبض  کبھی   نہ   دیکھنا ،  تم    ٹٹول کر

عمر  کی مسکراہٹوں  سے ،زندگی اپنی سنوارنا 

ایک  دوسرے   کے  ہم  قدم  رہنا ، تم  دونوں عمر  بھر

سنہری  حرفوں   میں  لکھے   وقت ،  تمہاری   داستان 

تم  ایک دوسرے کی محبت، یوں رکھنا اوڈھ کر 

 یہاں ہر آنکھ  ہے خوشی ، ہر  دل  ہے بھیگا ہوا 

یہ سارے رنگ لے جاؤگی ، تم ہم کو چھوڑ کر 

پھر بھی میری جان، ماں باپ کی ہے آرزو یہی 

تم خوشی سے  قدم رکھو ، زندگی  کے  اس  نئے  موڈ  پر 

Tere ankhon k paani may....

Tere ankhon k pain may

Koi    doobta ubharta hai

Vo derd ka mosam

Kahin aur bhi uterta hai

Shayed unhi bheege lamhon may

Kahin koi dil tujh ko yaad karta hai

Bahut kum dil mile hum ko

Jin ki khatir dil ye aahen Bharta hai

un gulon ka sauda baarha kiya tune

Jo Pathjhad se pehle shakhon se girta hai

In paaniyon ki zad se koi kaise nikle 

Jo    liye pyaas sehra ki , is lamhe se guzarta hai 

ye mai nahi hun tu hi tu hai....

 

ye mai nahi hun tu hi tu hai

chaha nahi zamaane ne mujhe

jisey chaha vo tou ku ba ku hai

zindagi   ne laakh samjhaya humein

 ye nishath aarzi,aarzi rang-o-buu hai

is alam-e-na-paaidaar   ki  na hi pooch

yehan her kisi ki azal se ek si khu hai

her ungli uthi hui hai ek dusre ki jaanib

dilon may ab kahan sadaqat  ki  justaju hai

kaash bani nu tu khud per bhi ghaur karta

aaine se na kar shikayet  tu  aks hu ba hu hai

Aaj ka daur phir maange hai baang-e-dara teri....

Logon ko yaad hain tou tere zulum-o-sitam hain

Kise yaad hai kub kis kis ne uthaaye alam hain

aaj ka daur phir maange hai baang-e-dara teri

Shayed jaag uthey millat ke khamoshiyan bhi zulam hain

---------------------------------------------------------------------------------------------

duniya sama-aton se mehroom hogaii hai

kya daana-e-waqt ki baseerat kho gaii hai

ye munjamid lahu maangta hai mashaal koi

tahreek tere jazbon ki kahan ja ke sogaii hai

kya waqt phir se shahid-e-jahal hua chahta hai

kyon insaniyet asal se apni munharif hogai hai

do gaz zameen hi tera bhi moqadar hai zaalim

ab rok le qadam karbala ki hujjat tamaam hogai hai

Ek musht-e-khaak say...

Ek musht e khaak se tujh ko uthaya hai

Mannon khaak may tujh ko dabaya hai

Is khaak ke safar se khud ko milaya hai

Zindagi ka beej Jis ne boya tha khaak may

Saaya usi shajar ka khud ko banaya hai

Muhafiz wahi to hai teri tamam karkerdagiyon ka

Tujhe De  kar ekhtiyaar  khaak hona sikhaya hai

Sab aaye gaye yehan, jisne khud ko paa liya

Wahi kamyab hai jisne khuda ko paaya hai

Suna hai tujh ko....

abhi abhi tou raahaton ki ruth mili hai

abhi abhi tou deewangi ki umar dhali hai

phir bhi koi saa-at pichli ruton se nikal kar

meri nit naii tanhaaiyon se aa mili hai

-------------------------------------

suna hai tujh ko chain mil gaya hai

mujh se door jaa kar phir se khil gaya hai

jahan dilon ka markaz dilruba nahi hai

ek naii gali ka tujh ko patta chal gaya hai

----------------------------------------

kaun kehta hai mohabbat khuda nahi hai

khuda mohabbat say bakhuda juda nahi hai

sab say pehle arash per jhilmilaii mohabbat

jub luh-o-qalam se nikla naam-e-mohammed

-------------------------------------------

khaak may warna kahaan husn ye samaata

agar akhir-uz-zamaan ki khaak-e-paa na paata

apne mehbub ko bana kar mohabbat aam kardi

warna shuaar-e-mohabbat banda ko kaise aata

--------------------------------------------------

Kahi ankahi…

Aaj may badalti zindagi ye

Apne kal ko dhundti hai

Jub dil be-khabar tha

Apne aane waale kal se

Apni thi udanein apna Asmaan tha

Saayafagan thi ulfat ki chadar

Hisar tha huma-waqt muhafizon ka

Her nazar,Nazar-e-karam thi

Her dil, dilbastagi per tha kamar-basta

guzarta tha her dil se ho kar chahaton ka

Sunehra rupehla khwabon sa rasta

Ummidein jalayein shamma ke sang sang

Umar ka safar aur uske mahsur they rang

they Lafz dil ke dhadkanon ki hadhon may

rahi Dil ki dil may zuban bhi rahi gung

Aaj bhi hain taaza bikhre yaadon ke gulaab

unki khushbu se mehek rahi hai dil ki kitaab

Her baab surkh jodey may lipta hua hai

Lafz Lafz shehnai baj uthey hain dil ke taar

Oat se paannon ke chalak utha hai khumaar

Bolti khamoshi ne kardiya hai sab ashkaar

Ye lafz hi tou de jaayenge hamara suragh

kahi ankahi ,in hi may milenge dil be-shumaar

muztarab darya hai hirasaan hai sawaar....

 

akhir kahan ruki hai kashti be-patwaar

muztarab darya hai hirasaan hai sawaar

------------------------------------------

zindagi tujh se kahaan mil paate hain

roz ek naye ghum may marey jaate hain

dil ko behlaane ke gurr humko aate hain

sitamagar ko hamare wasf kahan bhaate hain

------------------------------------------------

khamoshi ab dum todne lagi hai

saanson may ek jung si chidi hai

zehen-o-dil hain kashmakah may

be-awaz tutne may mushkil badi hai

-------------------------------------

soch apni zameen khojti hai

khayaal  gum hone lage hain

kal talak saath jo bharam they

hamara daaman chodne lage hain

----------------------------------------

mai ne maana  jis ne duniya se dil lagaya

dil-e-shakista ke siwa  haath kuch na aaya

ek zindagi mili thi usey hasraton may ganwaya

zindagi ne nesti ka matlab jaate jaate samjhaya

ab wapasi mumkin nahi hai...

ab wapasi mumkin nahi hai

baazi haath se nikal gaii hai

zehen-o-dil ki kasmakash may

zindagi hasti hi badal gaii hai

--------------------------------

un jawan hauslon ko 

zamana kha gaya hai

ab bedilon ko bedili se

jeena raas aagaya hai

---------------------------

mai ney baarha 

tut tut kar hai dekha 

jeena usi ka hai jeena 

haasil se jis ne seekha 

------------------------------

 Dil ku thapak thapak kar Maine sula diya

Zehen ki kofaton ko bhi Maine bhula diya

Mera aks poochta hai  akhir tu  ne kya kiya

Tamam umar ki riyazaton ko  khaak may mila  diya

meri nazar se tere dil tak......

meri nazar se tere dil tak

bada faasla ho chala hai

jis ney bhi tujh ko chaha

tu usey kahan mila hai

khayal faseelon may reh gaye hain

dil hai ke tujh se jaa mila hai

inhi khamoshiyon se guftagu hai

meri justaju ku tu wahin mila hai

dil qaraar ki luzzaton se naa-ashna hai

jo mila inhi beqarariyon may mila hai

mai kya jaanun mujh ko kya hua hai

umar, khwab arzu ka lamtnahi silsila hai

sahi hai ke tu aajkal kahin bhi nahi hai

magar suna hai deewanon ko tu mila hai

hum jaante hain tera paikar koi nahi hai

jis ne tujhe pukaara unhi sa ho chala hai

Waqt bewafa hai.....

 

Silsila aye dil bas munqata hua hi chahta hai
Khwaab se pehle ye dil hosh may aana chahta hai

----------------------------------------------------

abhi waqt hai abhi tu maan ley

ye waqt bewafa hai tu jaan ley

guzarta hai dhadkan se tez ter

phir mile na mile aaj thaan ley

-----------------------------------------------------

kis ne socha tha ye kal aayega

her aane waala kal le hi jaayega

ek din yaadon se bhi nikal jaayega 

vo dhoop suneheri dhundla jaayegi

barsat ka mosam hum ko rulaayega

aainon se ab vo mulaqatein na sahi

mun ke darpan ku kaise jhutlaayega

kahan socha tha safar ki ye manzil hai

ek din kahin na kahin ye padau aayega

biphri maujon ki zadd may mahsuur raha

kub tak kinaron se dil daman bachayega

khaak hote palon ne kahani samjhai thi

ek din khaaki khaak ka haasil hojaayega

vo saare pal vo guzre kal..................

 

chalo phir se sochte hain
vo saare pal vo guzre kal

——————————————————————-

jahan hum they magar
hum may hum kum they
subahein tou hoti theen
hum raaton ke mosam they
---------------------------------
khwab khayali paikar may dhalte they
unhein ujhalon ke kahan ghum they
khahishein chaand per kamand si theen
na duniya thi na duniya ke sitam they
jo manzur tha dil ko wahi baat hoti thi
be riya waqt ke kahan pech-o-khum they
her roz mela khwabon ka lagta tha
jahan husn charasaaz tha aur hum they
dil tha ke apni hi laye per dhadakta tha
duniya ke surr taal uske aage madhum they
mere hosh ki dawa wahi lamhe they
jahan hum they aur bekhudi ke mosam they
khuda ne badey naaz se chune hain dil
uski anokhi hikmat ki zameen hum they

ye rang hain tumhare......

 

ye rang ujlaton may bikher gaye hain

sadiyon tarteeb jin ki ek si rahi thi

vo aaj apni hadon se nikal gaye hain

ye azadi apni shaayed manaana chahte hain

apne rang gumshuda phir se paana chahte hain

qaus-o-qaza ne mustarad kar diya tha jin ko

vo asmaanon may apni jagah banana chahte hain

jinhein gumaan tha apni rangeen munafiqat ka

unhein aaina haqeeqaton ka dikhana chahte hain

ye aks hain khushi ke, dilbari ki ada hain

tumhein shahkaar qudrat bani nu banana chahte hain

chalo chodo bhi ranga rangi ke ye jhagdey

ye rang tumhari fitraton ko azmaana chahte hain

kabhi miley gar tum ko fursat, zara ghaur karna

ye rang hain tumhare, tumhein paana chahte hain

inhi may chupi hui hai pehchaan admi ki

apni pehchaan ki hi khatir, ek rang hona chahte hain

Aye junun-e-dil....

 

teri majburi haq ba-janib thi

mere ghum bhi haqeeqat they

waqt,halath ke haathon khilona tha

hum tum ghaayel inhi ki badaulat they

kub tuti thi patwaar yaqeen ki apni

hum samandar thapedon ki zarurat  they

jahan dil ko aas thi meherban marham ki

usi se khaaye zakham-e-mohabbat they

jinhein maan tha apni do-rangi fitrat per

usi ne kiye taaraaj rishte jo khubsurat they

ab aye deewane koi kadi rahi nahi baaqi

bichad gaye saare jo zindagi ki surat they

zindagi ganwa kar zindagi ne bhed ye paaya

Khasaare ye saare isi dil ki badaulat they

inhi choton ne bana daala aadi apni teeson ka

karb ke woh tamam lamhe daras-e-rahmat they 

surur-e-ghum aye junun-e-dil teri inaayet hain

ye rang madhoshi ke saarey teri hi hikmat they

Dosto waqi aaj apni idd hogaii......

mere dosto dayaar-e-ghair mein

idd ki haseen jhilmilaati raunaqein,

surur o inbisat ki sarsarati mehefilien

watan-e-azeez ki dilaya karengi yaad

------------------------------------------------

jub jub aap sa  humein

pyaara lagaya kare galey

lagta hai tab humein  

waqi aaj apni idd hogaii

-----------------------------------

idd ki raunaqein isi tamaniyet mein hain

bikhri huii in  muskurahaton mein hain

jahan bhi koii dil apne dil mein bolta miley

wahin phir idd ki arzu ka ek aur gul khiley

idd tou tohfa hai bashar ki jahad e nafs ka

hum roz hi yehan idd ka samaa saath le ker chaley

jahan chargh e dil jaley paigham rab ka mile

derd ke maaron mein hi tumko tumhara rab mile

aao is idd e sayeed per hum unki dua karein

jin ke chaand sitaarey asmaan se jaa mile

----------------------------------------------------------------------------------

is saal idd ka mosam

kaii paigham leke aaya tha

kahin roshan horahe they dil

kahin andheron ka saaya tha

her seher jaise inayet thi

her raat rab se bande ki mohabbat thi

duaon may sab ne maangli duniya  

ahad hi bande ka wahed hai sarmaya

Aye dil Zara hosh kar.....................

Aye dil Zara hosh kar

Tera kal na faramosh kar

tu utha hai khaak say

tera aaj na madhosh kar

---------------------------

tere khayal ke gerd 

uthi hai jo faseel ye

hai deewar chah ki

khahishon ke taar hain

tu na phalang paayega

ye moqadar tu ne hi chuna

isi gerdab may rah jaayega

isi gerdab may ghotey khayega

her ja ek dil muh takta hua

inse bichad kar kahan jaayega

wabasta hain ye dil say terey

inki khalish sah na paayega

maula nay soch kar dil chuney

her dil kahan wafa kar paayega

ye mohabbat hai ajab jadunagar

giraft may kahan her koi aayega

duniya saudagaron ki hai jahadh

muft may dil tera maara jaayega