mera etebaar faqat tera talabgar hai
sadiyon say sulag raha wahi intizar hai
hain ye makhmasey saarey wajud ke
warna mohabat may kahan takrar hai
paikar nahi hai vo,roshan khayaal hai
jo qayaas karsake,vo hiss darkaar hai
teri khamoshi nay her baar ye kaha
tere liye mera lafz lafz beqarar hai
taptey mosamon nay jhulsa diye havaas
ek dil bacha hai jo tera shahkaar hai
ye soch ye tanhai dekh kya gul khila gaii
phir haath may qalam hai khumaar hai
No comments:
Post a Comment