jo mujh may kuch ajeeb hai
dil-e nadan mera habeeb hai
sau jatan karke jo paaye koi
mil gaya jo mera naseeb hai
shareek-e-ghum hai mera ghum
mera derd hi mera tabeeb hai
jisey jaana azeez jaan se jaan
usi se hui khata jo khateeb hai
kutba samajh kar dil kunda kiya
haaye sitam ke vo niklii saleb hai
tere saath badla waqt her chalan
log kehte hain ye naii tahzeeb hai
aye waqt teri raftar se ab gila nahi
ye bhi khuda ki behter tarkeeb hai
jo likhta raha sada apni hi daastaan
zamaane may us sa na koi adeeb hai
No comments:
Post a Comment