tujh ko aye zamaane
mai kya suna rahi hun
mere khayaal ki be-khayaali
manzar-e-aam laa rahi hun
kya waqi hai ye be-khayaali
ya tujhe sheesha dikha rahi hun
jibilatein kahin muh na mod lein
so khayaal per perda gira rahi hun
deewangi ko hosh kabhi na mil sake
so khud ko deewana bana rahi hun
kya duhaii dun, aur tere shauq ko
roz ek barchi tujh ko thama rahi hun
hukumatein tujhe na raas aayengi ghulam
mere aqa ke rubaru sar ye jhuka rahi hun
No comments:
Post a Comment