Meezaan

;mohabbat wahi rahe
jo be-imtiyaaz ho

Sab ke liye dilon may

wahi gudaaz ho

Meezaan-e-amal ka maalik

mokhtaar kul jahan

kyon mohabbaton ka tum

dhundte juwaaz ho

-->

Thama hai haath jub

chalna bhi saath hai

Humkhayal na saahi,

humqadam charasaaz ho

Ishq suna hai

nazar nazar ki baat hai

mumkin hai safar ka

tumhi se aaghaaz ho

Mohabbaton may anaa ka

guzar kahin nahi

Usey paas-e-khuda hai

tum aaina-saaz ho

Asaan nahi hai

raaz-e-ulfat ko samjhna

Vo banda-e-khuda

tum khuda ka raaz ho