ajab makhlukh hai maula teri
ajab hai tere khalkh ka carvan
saara jahaan bana adam ke liye
phir bhi adami dhundta hai makan
chuntiyon ne khoja zameen ka raaz
parindon ko kaafi na hua asmaan
tinkon ki niyu per bichaaye apne parr
apnon ke liye banaya haseen ashiyan
ghaaron ko banaya miskin shah-e-dasht ne
chopayon ne kaha hum bhi lamakaan
adami ne seekha inhi se saleeqa-e-zindagi
adami insan bana inhi ke darmyaan
ye dar ye deewar kya banayenge ghar
ye hai bas aam sa khahishon ka kunwaan
gar adam ke seene may karwat na lega dil
uska thikana na ye zameen na vo asmaan
ye zarurat nahi hai adam zindagi ki teri
ye tera moqam hai ye tera makaan
khuda ka ezaaz hai ye hasti teri
teri hasti se qaayem hai tera jahan
zamaane ki gerd may isey na malus kar
ke teri raah may hi hai teri manzil ayaan
No comments:
Post a Comment