door ufaq per ek saaya sa....

 

kum se kum itna tou hai 

ke woh mujh say mohabbat karta hai

chahe paas na ho door hi ho

ehsas ban kar dil may rahta hai

dekhe they jugnu us ki ankhon may

koi jhimil si dil may roshan karta hai

jaise koi taara tut ke dil per girta hai

kya waqi ye meher hui thi hum per

pal pal banda jaan se guzarta hai

nawaqif they hum ishq ki in chaalon say

ab jaan gaye koi kisi pe kaise marta hai

rab ne bhi bande ki nabz sahi pakdi thi

apni pehchan ki khatir  hi dil banaya karta hai

dil se dil tak ka safar yon hi taye hota hai

derd kisi ko hota hai aahein koi bharta hai

chaak gareban pyaase lub seherai sa hai dil

khali  ankhon may   vo saawan   sa uterta hai

is taptey sehra   may   maano ek konpal  sa

door ufaq per ek saaya doobta ubharta hai

is ankh micholi may saara sach poshida hai

banda is saudey may khud ko lutaya karta hai

Qaul se qaal tak ka safar .....

Waqt ne kaha mujhe na rok paayega

Jism ne kaha ek din sath chod jaayega

Teri khamoshi ko koi sun na  paayega

Tu  apne  dil  ki  dil  may  hi le  jaayega

Her Roz maheshar ka manzar dikhayega

Yehan insan, insan per qayamat dhayega

Ji  le  ye  ghadi  phir  ye  waqt  nahi  ayega

duniya  se  dil  laga kar kuch na  paayega

Kaafi hain ye sabaq ,zindagi ab bakhsh de

dil-e-shakista ka bojh uthaya na jaayega

Aksar sakun ki talash asmanon may ki

Qaul se qaal tak ka safar yon hi cut jaayega

Aah ! Raah-e-faham ek umar maangti hai ye

Gar mil gaii tamam kofton se nikal jaayega

Pehchan

 

Ehsas ka safar tu ney kiya hi nahi

husn jazbon ka tu ne jiya hi nahi

Warna dil ye tera,mera Makan hota

teri yaad ka lamha lamha jawan hota

Akhir dil se dushmani tujhe kaise raas aai

Aye Kaash jaan leta,is dil ka sayeban hota

Log aate hain Jahan may imtihaan dene

dil-e-natawan ka tune imtihan liya na hota 

Kirdar bantey hain yon hi girte sambhalte

thokaren na hoteen admi  kaise insan hota 

aaya samajh,vo Mila hi kyon tha aakhir 

gar ashkaar hota zindagi per ehsaan hota

Bhes usney liye hazaron, teri hi khatir

Teri pukaar per kaun aisey meherban hota

Tere awaleen ke karam kaam aa gaye akhir

Bhanwar se bach nikalna kahan asan hota

Her mode hai sarab her lamha koi khwab....

 

meri musafaton ka tu pooch na musafir

her mode hai sarab her lamha koi khwab

door tak na koi manzar na hai koi suragh

jo dhundta phir raha ho khud nishaan apna

jo khud sarapa sawal ho kya de sakega jawab

andaz tarz-e-guftagu ke seekhe ankhon se sabhi

jahan mehktey they khamoshi may dil ke gulaab

aaj tak lag rahe hain taaza us daur ke tamam pal

hum waqi abur kar aaye they ehsasath ke chanaab

mitti ki haqeeqat mitti hotey hotey patta chali hai

bantey bigadtey aks samjha gaye faani hai shabab

do ghadi ankh kya lagi haqeeqat ashkaar hogaii

safar is jahan say us jahan ka yon hota hai taye janab